ۇبت-نىڭ ساپاسىن ارتتىرۋ جۇمىسىنا الەمنىڭ ەڭ مىقتى كومپانياسى تارتىلادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى.
مەملەكەت باسشىسى نيۋ-يورككە جاساعان جۇمىس ساپارى بارىسىندا Educational Testing Service (ETS) كومپانياسىنىڭ باسشىلىعىمەن كەزدەسكەن بولاتىن. بۇگىندە كومپانيا جىل سايىن الەم بويىنشا 180 مەملەكەتكە 50 ميلليوننان استام تەست ازىرلەيدى. سونداي-اق ۇلتتىق ءبىلىم بەرۋ جۇيەسىنە ارنالعان بەيىندىك شەشىمدەردى ۇسىنادى. ال قازاقستان تاراپىنان كومپانيانىڭ تاجىريبەسىن پايدالانۋعا قىزىعۋشىلىق بار.
عىلىم جانە جوعارى ءبىلىم ءمينيسترى ساياسات نۇربەكتىڭ ايتۋىنشا، 80 جىلدىق تاريحى بار عىلىمي ورتالىق تەستەردى ازىرلەپ قانا قويماي، تەستولوگيانى زەرتتەۋمەن دە اينالىسادى.
"ءبىزدىڭ ۇلتتىق ءبىرىڭعاي تەستىلەۋدىڭ ساپاسىن كۇرت وزگەرتۋ مەن مازمۇنىن تولىققاندى قاراستىرۋ شارالارى وسى ەڭ ءىرى، ەڭ اتاقتى تەستولوگيا ورتالىعىمەن بىرگە اتقارىلادى. ول ءۇشىن ارنايى جۇمىس توبى قۇرىلادى. ETSء-تىڭ ەڭ مىقتى ماماندارىن تارتا وتىرىپ، ۇلتتىق ءبىرىڭعاي تەستىلەۋدىڭ مازمۇنى مەن ادىستەمەسى قايتا قارالادى"، - دەيدى نۇربەك.
كەلەسى ايدا زەرتتەۋشىلەردىڭ ۇلكەن دەلەگاسياسى قازاقستانعا كەلەدى. ولار ۇبت-نىڭ ترانسفورماسياسىن جاسايدى.
"ءبىز ۇبت-نى ەڭ ساپالى سۇراقتارى بار حالىقارالىق تەستكە اينالدىرامىز"، - دەپ اتاپ ءوتتى مينيستر.
