ەلىمىز تاۋەلسىزدىك العالى بەرى،  جاڭا ءداۋىردىڭ كۇن تارتىبىندە تۇرعان وزەكتى ماسەلەسى الەمنىڭ ءبىلىم كەڭىستىگىندە جانە ەڭبەك نارىعىندا باسەكەگە قابىلەتتى، بىلىكتى جاس مامانداردى قالىپتاستىرۋ بولىپ تابىلادى. ءومىر ۇنەمى وزگەرىپ، قوعام ۇزدىكسىز دامىپ وتىرعان جاعدايدا  ءبىلىم بەرۋ جۇيەسى دە جاڭا تالاپتارعا ساي بەيىمدەلەدى.

ال، ءبىز، ءال-فارابي اتىنداعى قازاق ۇلتتىق ۋنيۆەرسيتەتى جوو-عا دەيىنگى دايىندىق كافەدراسىنىڭ ۇستازدارى، (تولىعىراق: https://farabi.university   سايتىنان بىلە الاسىزدار) قازاقستان جاستارىنىڭ وتانشىلدىق سەزىمى مەن ءوز ەلىنە دەگەن سۇيىسپەنشىلىگىن دامىتۋعا ءتيىسپىز، باستى مىندەتتەرىمىزدىڭ ءبىرى – پاتريوتتىق جانە ادامگەرشىلىكتى قالىپتاستىرۋ. وتانىمىزدىڭ دامۋى ءۇشىن ءبىلىمدى دە بىلىكتى مامان دايارلاپ، ءوز وتانىن سۇيگەن پاتريوت ازامات تاربيەلەۋ ءۇشىن ەڭبەك ەتىپ جۇرگەن ۇستازدار قىزمەتىنىڭ ورنى ەرەكشە.  ويتكەنى  وركەنيەتتىڭ وزەگى، كەز كەلگەن ەلدىڭ دامۋىنىڭ، ساياسي تۇراقتىلىعىنىڭ نەگىزى – ءبىلىم مەن عىلىم جانە سانالى تاربيەنىڭ ءتۇپ تامىنىنان ءورىس الاتىندىعىنا ەشكىمنىڭ تالاسى جوق. ەلىمىزدىڭ وركەندەۋى ءۇشىن ەڭ قاجەتتىسى ءبىلىمدى دە بىلىكتى وتانسۇيگىش ازامات بولسا، ال وسىنداي تۇلعالاردىڭ قالىپتاسۋىن قامتاماسىز ەتەتىن ءبىلىم وشاقتارى بولسا، ال ءبىلىم ورداسىنىڭ جانى – ۇستاز.  ءبىلىم بەرۋ ىسىندە جانە تاربيە  جۇمىسىندا شەشۋشى  ءارى باستى تۇلعا – ۇستاز.

الەۋمەتتىك  تاربيەلىك ءمانى زور  ءىس-شارالاردى ۇيىمداستىرۋدىڭ وزەكتىلىگى جالپى قازاقستاندىق مادەنيەتتى دامىتۋعا قاتىستى ناقتى ماسەلەلەرمەن تىكەلەي بايلانىستىلىعىمەن بىرگە، مەملەكەتىمىزدىڭ دەربەس دامۋىنىڭ مادەني-رۋحاني قىرىنان قاراعاندا ءتىپتى تياناقتالا تۇسەدى. وسى  ورايدا قازاقستاندىق جاستاردىڭ باسەكەگە قابىلەتتى مادەني  مەنتالدىگىن  قالىپتاستىرۋعا، زاماناۋي  مادەنيەت كلاستەرلەرىن دامىتۋعا باعىتتالعان شارالاردى وتكىزۋ – ەلدىڭ رۋحاني سالاسىنداعى باعىت-باعدار بەرەتىن ۇلكەن ءمانى بار تاربيە ىسمەن ساباقتاس ۇيىمداستىرىلادى.

  قازاقستاندىق جاستاردىڭ باسەكەگە قابىلەتتى مادەني مەنتالدىگىن قالىپتاستىرۋ ناتيجەسىندە مەملەكەتتىگىمىز، تاۋەلسىزدىگىمىزدىڭ تۇعىرى،   قازاق ءتىلىنىڭ مارتەبەسى، ماڭگىلىكتىگى  باياندى بولماق. سانا  سەرپىلىسى جاعدايىندا عانا قازاق مەملەكەتىنىڭ ەركىن ويلى، ازات، ىسكەر دە قابىلەتتى، وتانشىل، ازاماتى ءوسىپ شىعادى. وسى ورايدا  ۇلتتىق تاربيە ماسەلەلەرى ۇلتىمىزدىڭ ءوزىن وزگەدەن ايرىقشالايتىن دارا ءمۇسىننىڭ، دەربەس مىنەزى مەن مادەنيەتىن تانىپ-تۇيسىنۋىنە ىقپال ەتەرى ءسوزسىز. جاستاردىڭ رۋحاني بولمىسى مەن تانىمدىق زەردەسىن پايىمداۋعا دانەكەر بولماق.

 ءال-فارابي اتىنداعى قازاق ۇلتتىق ۋنيۆەرسيتەتىنىڭ اعا وقىتۋشىلارى: نارالييەۆا ر.ت.، بەگالييەۆا ا.ك.، اميركانوۆ م.ب.