استانا قالاسىنىڭ ءىىد جەرگىلىكتى پوليسيا قىزمەتىنىڭ تابيعاتتى قورعاۋ پوليسياسىنىڭ قىزمەتكەرلەرى ستيحيالىق قوقىس قالدىقتارىن توگۋگە جول بەرىلمەۋگە  باعىتتالعان ءىس-شارالاردى كۇندەلىكتى جۇرگىزىپ وتىرادى، دەپ حابارلايدى Qamshy.kz اقپارات اگەنتتىگى ءىىد جپق باسپا ءسوز قىزمەتىنە سىلتەمە جاساپ. 

وسى ماقساتتا قوقىس قالدىقتارى كوپتەپ  توگىلەتىن جەرلەرگە تەكسەرىستەر جۇرگىزىلۋدە. تۇرعىندار اراسىندا اكىمشىلىك زاڭنامانى بۇزعان ءۇشىن بەرىلەتىن جاۋاپكەرشىلىك تۋرالى ءتۇسىندىرۋ جۇمىستارى تۇرعىلىقتى تۇردە جۇرگىزىلىپ وتىرادى.

وسى جىلدىڭ 9 ساۋىرىندە استانا قالاسى ءىىد جپق تابيعاتتى قورعاۋ پوليسياسى قىزمەتكەرلەرى  يلينكا كەنتىندە ياعني قورعالجىن تاس جولى كوشەسى بويىندا بەلگىلەنبەگەن ورىندا قۇرىلىس قوقىستارىن تاستاعان «كاماز» ماركالى اۆتوكولىگىنىڭ جۇرگىزۋشىسى، 1968 جىلى تۋىلعان ا. ەسىمدى ازامات ۇستالدى. 

قۇقىق بۇزۋشى ق ر اقبتك-نىڭ 505 بابى «قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ…»  بويىنشا اكىمشىلىك جاۋاپكەرشىلىككە تارتىلىپ، 30 اەك (72 150 تەڭگە) كولەمىندە ايىپپۇل  سالىندى. 

جالپى 2018 جىلدىڭ باسىنان بەرى بەلگىلەنبەگەن ورىندا قوقىس قالدىقتارىن، قاردى شىعارىپ، لاس سۇيىقتىقتى توككەن 156 جۇرگىزۋشى جاۋاپكەرشىلىككە تارتىلدى. سالىنعان ايىپپۇلدىڭ جالپى سوماسى شامامەن 3 ملن 870 مىڭ تەڭگەدەن استام.