ق ر ىشكى ىستەر ءمينيسترى قالمۇحامبەت قاسىموۆ بۇگىنگى ۇكىمەت ساعاتىندا شەتەل ازاماتتارىنىڭ ەلىمىزدە تىركەلۋ جانە ۆيزا الۋ ماسەلەسىنە قاتىستى توقاتلىپ ءوتتى، دەپ جازادى Qamshy.kz اقپارات اگەنتتىگى.
ءمينيستردىڭ ايتۋىنشا، ءار مەملەكەت ازاماتتارىنىڭ ەلىمىزگە كەلۋ جانە تىركەلۋ ءراسىمى ءار ءتۇرلى
"قازاقستانعا كىرۋ ءۇشىن ولاردىڭ كوبىنە ۆيزا كەرەك. جالپى ازاماتتىق پاسپورتپەن ۆيزاسىز كىرۋگە قاتىستى 19 مەملەكەتپەن كەلىسىم جاسالعان. ولاردىڭ قاتارىندا ەۋرازيا ەكونوميكالىق وداعىنىڭ ەلدەرى دە بار. 45 ەلدىڭ ازاماتتارى وسى كۇنگە دەيىن ۆيزا راسىمىنەن تىركەلۋدەن بوساتىلعان. 2016 جىلدان باستاپ جۇڭگو ازاماتتارىنىڭ قازاقستانعا توپتىق تۋريستىك ساپارىن جەڭىلدەتۋ تۋرالى مەموراندۋم كۇشىنە ەندى"، - دەيدى مينيستر.
ايتا كەتسەك، شەتەلدىك ينۆەستورلار ءۇشىن ەلىمىزدە ەرەكشە جاعدايلار جاسالىنعان ەكەن. ءمينيستردىڭ دەرەگىنشە، ينۆەستورلىق ۆيزا ءۇش جىلعا بەرىلەدى، ولارعا ءبىزدىڭ كوشى-قون قىزمەتىنە تىركەلۋ تالاپ ەتىلمەيدى.
"سوڭعى جىلدارى ءبىز شەتەل ازاماتتارىن تىركەۋ ءراسىمىن ءبىرشاما جەڭىلدەتتىك. ەكونوميكاسى دامىعان جانە ساياساتى تۇراقتى 56 ەلدىڭ ازاماتتارى شەكارادان وتكەن بويدا كەدەن قىزمەتىنە تىركەلە الادى. بۇل ولاردى ميگراسيا قىزمەتىنە كەلىپ تىركەلۋدەن بوساتادى. ەەو مەن تاجىكستان ەلدەرىنىڭ ازاماتتارى ەرەكشە مارتەبەگە يە، ولار شەكارادان وتكەننەن باستاپ وتىز كۇنگە دەيىن تىركەلۋدەن بوساتىلادى. ەەو ەلدەرىنىڭ ازاماتتارىنا ءبىزدىڭ ەلدە جۇمىس جاساۋ ءۇشىن رۇقسات كەرەك ەمەس. وتكەن جىلدان باستاپ شەتەل ازاماتتارىن قابىلدايتىن بارلىق زاڭدى جانە جەكە تۇلعالار ولاردى ەلەكتروندىق ۇكىمەتتىك پورتال ارقىلى تىركەۋگە مۇمكىندىك الدى"، - دەپ اتاپ ءوتتى قاسىموۆ.
