ق ر ىشكى ىستەر ءمينيسترى قالمۇحامبەت قاسىموۆ ۋاقىتشا جانە تۇراقتى تىركەۋگە تۇرۋ ەندى ونلاين رەجيمدە ىسكە اسىرىلاتىنىن اتاپ ءوتتى. بۇل جايىندا مينيستر بۇگىن ماجىلىستەگى ۇكىمەت ساعاتىندا ايتتى، دەپ حابارلايدى Qamshy.kz اقپارات اگەنتتىگى.

"2017 جىلى قاڭتاردا كۇشىنە ەنگەن زاڭنامالىق وزگەرتۋلەر كوشى-قوندى باقىلاۋدى كۇشەيتۋگە جول اشتى. بۇل تىركەۋ ەسەبىن رەتكە كەلتىرۋ ارقىلى جۇزەگە اسۋدا. ازاماتتار وزدەرى تۇراتىن جەرگە 10 كۇننىڭ ىشىندە تىركەلۋى قاجەت. تۇراقتى جانە ۋاقىتشا تىركەۋدەن باستارتقان ادامدارعا دا قاتىستى تالاپ كۇشەيتىلدى"، - دەيدى مينيستر قاسىموۆ.

سونىمەن قاتار، بۇگىندە تىركەۋگە تۇرۋ ءۇشىن ارنايى حقكو-عا بارۋدىڭ قاجەتى جوق ەكەندىگىن ايتتى.

"ءقازىر ۋاقىتشا تىركەۋگە تۇرۋ ءۇشىن حالىققا قىزمەت كورسەتۋ ورتالىعىنا بارۋدىڭ قاجەتى جوق. تىركەۋ ونلاين رەجيمدە جاسالادى. قازىرگى تاڭدا ءدال وسىلاي تۇراقتى تۇراتىن جەرى بويىنشا دا ونلاين تىركەۋ ەنگىزىلىپ جاتىر. سونداي-اق، ءقازىر تىركەۋگە تۇرۋ كەزىندە تۇرعىن ءۇي قۇجاتتارىن ۇسىنۋ قاجەت ەمەس. بۇل مالىمەت قىزمەت كورسەتۋ ورتالىعىندا مەكەن-جاي رەگيسترىنەن الىنادى"، - دەيدى قالمۇحامبەت قاسىموۆ.

«ءۇي كىتاپشاسى ادىلەت مينيسترلىگىنىڭ مەكەن-جايدى تىركەۋ كودىنا بايلانىستىرىلاتىن بولادى. ادىلەت مينيسترلىگى مۇنداي كودتى ءبىر عيماراتقا عانا بەرەدى جانە ول ءتىپتى كوشە، اۋدان نەمەسە قالا اتاۋى وزگەرسە دە وزگەرىسكە ۇشىرامايدى. اتالعان تىركەۋ كودىنا ءبىز ءۇي كىتاپحاناسىن بايلانىستىرامىز. ءقازىر تىركەۋدى باستادىق. قازاقستاننىڭ 18 ملن ازاماتىنىڭ بۇگىندە 5 ميلليونى تىركەلدى. ونى جىلدىڭ سوڭىنا دەيىن بىتىرۋگە تىرىسامىز. وسىدان كەيىن ازاماتتارىمىز اتالعان ءۇي كىتاپشاسى نەگىزىندە مەكەن-جايدىڭ ەلەكتروندى انىقتاماسىن ەلەكتروندى تۇردە تەگىن الا الادى»، - دەدى مينيستر.