ق ر ىشكى ىستەر ءمينيسترى قالمۇحامبەت قاسىموۆ كوشى-قوندا باقىلاۋدىڭ كۇشەيتىلگەنىن ايتتى، دەپ حابارلايدى Qamshy.kz اقپارات اگەنتتىگى
"2017 جىلى قاڭتاردا كۇشىنە ەنگەن زاڭنامالىق وزگەرتۋلەر كوشى-قوندى باقىلاۋدى كۇشەيتۋگە جول اشتى. بۇل تىركەۋ ەسەبىن رەتكە كەلتىرۋ ارقىلى جۇزەگە اسۋدا. ازاماتتار وزدەرى تۇراتىن جەرگە 10 كۇننىڭ ىشىندە تىركەلۋى قاجەت. تۇراقتى جانە ۋاقىتشا تىركەۋدەن باستارتقان ادامدارعا دا قاتىستى سانكسيالار كۇشەيتىلدى. بۇرىن ايىپپۇل سانكسياسى ءۇش اي تىركەۋگە تۇرماعانى ءۇشىن سالىنسا، ءقازىر ول ءبىر ايعا دەيىن قىسقاردى"، - دەدى مينيستر.
ونىڭ ايتۋىنشا، ۋاقىتشا تۇراتىن جەرگە تىركەلۋ ماسەلەسى رەتتەلگەن.
بۇگىندە قازاقستاندا زاڭنامالىق وزگەرىستەردەن كەيىن ۋاقىتشا تىركەۋگە تۇرعانداردىڭ سانى 14 ەسەگە ءوستى.
مينيستر زاڭسىز ميگراسياعا قارسى كۇرەس استانا، الماتى جانە باسقا دا ۇلكەن قالالاردا ءبىر ماڭىزدى ماسەلەنى شەشۋگە جول اشقانىن ايتىپ ءوتتى. بۇل ءبىر پاتەرگە كوپتەگەن ادامدى تىركەۋ ماسەلەسى.
"ءبىز جىل سايىن ءبىر ۇيگە كەمىندە ونداعان ميگرانتتىڭ جالعان تىركەلۋىن انىقتاپ، شارا قابىلدايمىز. زاڭنامانىڭ كۇشەيۋى سوڭعى ۋاقىتتا مۇنداي فاكتىلەردى ازايتۋعا كومەكتەستى. سونداي-اق، تىركەۋ ءتارتىبىن جەڭىلدەتتىك"، - دەدى مينيستر.
