تاراز قالاسىنداعى بۇرىنعى مال بازار اۋماعى تۇرعىندارى ءۇشىن كوپتەن كۇتكەن كوپىر سالىندى. مۇندا 900-دەن استام ءۇي بار بولسا، ەلدى-مەكەندى قاق جارىپ تالاس وزەنى اعادى. بۇعان دەيىن ەكى ارانى تەك  كىشكەنتاي قىلكوپىرلەر جالعاپ كەلگەن. ودان كولىك تۇرماق ادام وتۋگە ءقاۋىپتى  بولاتىن. تۇرعىندار ىرگەدەگى بازارعا دا اينالىپ بارۋعا ءماجبۇر بولاتىن. بۇگىنگى تاڭدا بۇل اۋماقتا ورتالىق بازارعا تىكەلەي قاتىنايتىن جول سالىنۋدا.

قۇرىلىس قۇنى 71 ملن تگ. كوپىردىڭ جان-جاعى  تۇرعىنداردىڭ قاۋىپسىزدىگى ءۇشىن تەمىر تورلارمەن قورشالعان.  كانال ارناسى ارشىلىپ، تازا سۋ كەلە باستادى. ەندى  مۇنداعى 19-شى اۆتوبۋس اۋىل ىشىنە قاتىناپ،سەڭكىباي كوشەسىنىڭ اياعىمەن ساۋدا ورتالىعىنا تىكە بارادى. جول دا سالىنىپ،  باستىسى تۇرعىندار 4-5 شاقىرىمدى جانە ۋاقىتىن   ۇنەمدەيتىن بولادى. تۇرعىنداردىڭ جەتى جىلدان بەرى قالا اكىمىنىڭ ەسەپتەرىندە كوتەرىلگەن ماسەلەنىڭ شەشىمىن تاپقانىنا تۇرعىندار ريزا.