سوتتالعان ۇلتتىق ەكونوميكا ەكس-مينيسترى قۋاندىق بيشىمبايەۆ سوت ۇكىمىنە شاعىم ءتۇسىردى. بۇل تۋرالى tengrinews.kz حابارلادى.

ق ر ۇەم بۇرىنعى باسشىسى شاعىمىندا وزىنە قاتىستى ۇكىمدى زاڭسىز ءارى نەگىزسىز شىعارىلدى دەپ ەسەپتەيدى.

«راستاپ بەرە الامىن: ءوزى دە، ءبىز دە - ادۆوكاتتارى اپەللياسيالىق شاعىم تۇسىردىك. سوت ۇكىمىمەن كەلىسپەيمىز. قۋاندىق بيشىمبايەۆتى كىناسىز دەپ ەسەپتەيمىز. سوت تەرگەۋى كەزىندە ونىڭ ايىبى دالەلدەنگەن جوق. سوت الدى تەرگەۋ كەزىندە دە، سوت تەرگەۋى كەزىندە دە قىلمىستىق-پروسەستىك كودەكستىڭ تالاپتارى ورەسكەل بۇزىلدى دەپ سانايمىز. قورعانۋ قۇقىعى بۇزىلدى. باستى دالەلىمىز ونىڭ كىناسىزدىگى جانە ايىبىنىڭ دالەلدەنبەۋى»، - دەدى ەكس-مينيستردىڭ ادۆوكاتى ءمادي مىرزاعارايەۆ.

سونىمەن قاتار، ادۆوكات بيشىمبايەۆتىڭ سوت زالىندا سويلەگەن سوزدەرىن دە كەلتىرىپ كەتتى.

«بيشىمبايەۆ ءوز كوزقاراستارىن، دالەلدەرىن سوت تەرگەۋى كەزىندە، ءسوزجارىستا جانە سوڭعى سوزىندە تۇگەلدەي ايتتى. ول بۇل ەپيزودتارعا قاتىسى جوق ەكەنىن ناقتى ءتۇسىندىردى. بىرەۋ-مىرەۋلەر زاڭدى بۇزعان دا شىعار، ءبىراق ونىڭ قاتىسى جوق. ونىڭ قانداي دا ءبىر ارەكەتتەرگە قاتىسى بارىن تۇگەلدەي جوققا شىعارامىز»، - دەدى بيشىمبايەۆتىڭ ادۆوكاتى.

ەستەرىڭىزگە سالا كەتەيىك، بيىلعى ناۋرىزدىڭ 14ء-ى استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتى قۋاندىق بيشىمبايەۆتى پارا العانى جونىندە ايىپتى دەپ تانىپ، 10 جىلعا باس بوستاندىعىنان ايىرعان. ال، ءىستىڭ قالعان 22 فيگۋرانتى ءتۇرلى جازاعا كەسىلگەن بولاتىن.