الماتى قالاسىندا دزيۋدو كۇرەسىنەن جاستار اراسىندا ازيا كۋبوگى جالاۋىن كوتەرەدى، – دەپ حابارلايدى Qamshy.kz اقپارات اگەنتتىگى دزيۋدو فەدەراسياسىنىڭ رەسمي سايتىنا سىلتەمە جاساپ.

21-22 ءساۋىر كۇندەرى الماتى قالاسىندا قازاقستان دزيۋدو فەدەراسياسىنىڭ قۇرمەتتى پرەزيدەنتى بەكەت  ماحمۇتوۆتىڭ قۇرمەتىنە ارنالعان جاستار اراسىندا دزيۋدودان ازيا كۋبوگى وتەدى. حالىقارالىق دزيۋدو فەدەراسياسىنىڭ (IJF) كۇنتىزبەسىنە سايكەس وتكىزىلگەلى وتىرعان الەمدىك دوداعا 1998-1999 جىلدارى تۋعان تاتامي شەبەرلەرى قاتىسادى. بۇل دودادا 300-گە جۋىق جاس دزيۋدوشى 8 سالماق دارەجەسىندە سىنعا ءتۇسىپ، ءوزارا مىقتىنى انىقتايتىن بولادى.

ايتا كەتەيىك،  IJF ەرەجەسىنە سايكەس ازيا كۋبوگىنىڭ جەڭىمپازدارى مەن جۇلدەگەرلەرىنە رەيتينگتىك ۇپاي قوسىلادى. جارىس جەڭىمپازدارىنا 100 ۇپايدان بەرىلسە، كۇمىس جۇلدەگەرگە – 60، قولا جۇلدەگەرگە – 40 ۇپايدان بەرىلەدى.