ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى جونىندەگى كوميتەت ءتوراعاسىنىڭ بۇرىنعى ورىنباسارى باۋىرجان مۋسينگە قاتىستى سوت ۇكىمى شىقتى. بۇل تۋرالى Qamshy.kz اقپارات اگەنتتىگى استانا سوتىنىڭ باسپا ءسوز قىزمەتىنە سىلتەمە جاساپ حابارلايدى.

«2018 جىلدىڭ 16 ساۋىرىندە استانا قالاسى الماتى اۋداندىق №2 سوتى ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى جونىندەگى كوميتەت ءتوراعاسىنىڭ بۇرىنعى ورىنباسارى باۋىرجان ءمۋسيننىڭ كولپاكوۆتان كولپاكوۆتان اسسار KZ ج ش س مۇددەسى ءۇشىن 1 000 000 تەڭگە جانە جەكە كاسىپكەر قۇلشارييەۆتەن 400 000 مىڭ تەڭگە پارا الدى دەگەن ايىپ تاعىپ، سوت ۇكىمىن شىعاردى»، - دەلىنگەن سوتتا.

2016 جىلدىڭ 15 جەلتوقسانىندا كوميتەت ءتوراعاسىنىڭ ورىنباسارى مۋسين مەن «اسسار KZ» ج ش س ديرەكتورى اراسىندا 4 900 000 تەڭگەگە مەملەكەتتىك تاۋار ساتىپ الۋ تۋرالى كەلىسىمشارت جاسالعان. سوت دەرەگى بويىنشا، مۋسين كولپاكوۆتان جەتكىزىلمەگەن تاۋاردى قابىلدادى دەگەن اكتىگە قول قويعانى ءۇشىن 1 000 000 تەڭگە پارا الدى.

بۇعان قوسا، مۋسين جەكە كاسىپكەر ە.گ. قۇلشارييەۆتەن 400 000 تەڭگە پارا العان.

سوت ۇكىمىمەن باۋىرجان مۋسين 7 جىلعا باس بوستاندىعىنان ايىرىلىپ، جازاسىن قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەيدى. سونداي-اق، مەملەكەتتىك قىزمەتپەن اينالىسۋ قۇقىعىنان ءومىر بويىنا ايىرىلدى. سوت ۇكىمى زاڭدى كۇشىنە ەنگەن جوق.

ەسكە سالا كەتەيىك، ءدىن ىستەرى جانە ازاماتتىق قوعام مينيسترلىگىنىڭ كوميتەت باسشىسىنىڭ ورىنباسارى باۋىرجان مۋسين 2017 جىلدىڭ 31 ناۋرىزىندا پارا العانى ءۇشىن ۇستالعان.