ق ر اقپارات جانە كوممۋنيكاسيالىر ءمينيسترى داۋرەن ابايەۆ بۇگىنگى ۇكىمەت ساعاتىندا حالىقتى سيفرلىق ساۋاتتاندىرۋ تۇرعىسىندا بايانداما جاسادى، دەپ حابارلايدى Qamshy.kz اقپارات اگەنتتىگى. ءمينيستردىڭ ايتۋىنشا، سيفرلىق قازاقستان باعدارلاماسىنداعى باسىم باعىتتاردىڭ ءبىرى – ادام كاپيتالىن دامىتۋ بولىپ سانالادى. وسى مەملەكەتتىك باعدارلامانىڭ اياسىندا 2020 جىلى كەزەڭ كەزەڭىمەن ەل تۇرعىندارىنىڭ سيفرلىق ساۋاتتىلىعىن 83 پايىزعا ارتتىرۋ جوسپارلانۋدا ەكەن.

مينيستر حالىقتى سيفرلىق ساۋاتتاندىرۋ جۇمىسى بىرنەشە كەزەڭدەر بويىنشا ىسكە اساتىنىن ايتتى.

"ەڭ الدىمەن سيفرلىق ساۋاتتىلىق دەگەن تەرميننىڭ ءبىرىڭعاي تۇسىنىگىن انىقتاپ الۋىمىز قاجەت. قاراپايىم تىلمەن ايتار بولساق، بۇل – ادامداردىڭ اقپاراتتىق تەحنولوگيالاردى كۇندەلىكتى ءومىرى مەن جۇمىسىندا ەركىن پايدالانا ءبىلۋىن قامتاماسىز ەتۋ. ق ر اقپارات جانە كوممۋنيكاسيالار مينيسترلىگىنىڭ اقپاراتتاندىرۋ زاڭىنا سايكەس ەكونوميكا مينيسترلىگىمەن بىرىگىپ حالىقتىڭ سيفرلىق ساۋاتتىلىعىنا بايلانىستى بىرنەشە دەڭگەيدى انىقتادىق:

1 بازالىق. بۇل جەردە كومپيۋتەر مەن موبيلدىك گادجەتتەردى پايدالانا ءبىلۋ، ينتەرنەت ارقىلى اقپارات الۋ مەن تاعى باسقا باعىتتاردى اتاۋعا بولادى.

2 ترانزاكسيالىق باعىتتاردى مەڭگەرۋ قابىلەتى. ياعني، ەلەكتروندى جانە اشىق ۇكىمەت سەرۆيستەرىن پايدالانا ءبىلۋ، قىزمەتتەر الۋ مەن تولەم جاساۋ مۇمكىندىگىن يگەرۋ.

3 ينتەرنەت جەلىلەرى ارقىلى ساتىپ الۋ، ساتۋ جانە تاۋاردى نارىقتا جىلجىتۋ قىزمەتتەرىن ەركىن مەڭگەرۋ، قاراپايىم تىلمەن ايتقاندا، ەلەكتروندى ساۋدانى ۇيرەنۋ.

4 سيفرلىق قۇرالداردى پايدالانۋ. مىسالى، موبيلدىك قوسىمشالاردى ەركىن يگەرۋ، گادجەتتەردىڭ جۇمىسىن سينحرونداۋ.

5 كاسىبي دەڭگەي. بۇل جەردە باعدارلامالاۋ قابىلەتىن جانە باعدارلامالاۋعا بايلانىستى شەشىمدەر. ءوز ەركىمەن قۇرا ءبىلۋ قابىلەتىن اتاۋعا بولادى"، - دەپ مالىمدەدى داۋرەن ابايەۆ.

ونىڭ ايتۋىنشا، قازىرگى تاڭداعى باعالاۋعا بايلانىستى ەل تۇرعىندارىنىڭ سيفرلىق ساۋاتتىلىعىنىڭ بازالىق دەڭگەيى 77 پايىزدى قۇرايدى. جىل سوڭىنا دەيىن بۇل كورسەتكىشتى 78،5 پايىزعا ۇلعايتۋدى جوسپارلاپ وتىر.

"وسى ماقساتتا ءبىرقاتار جۇمىستار اتقارىلادى. ءبىرىنشى سيفرلىق ساۋاتتىلىقتى وقىتۋ جونىندەگى مەتوديكالىق ۇسىنىستار دايىندالدى، حالىقتا سيفرلىق ساۋاتتىلىققا باۋليتىن وقىتۋ فورماسى مەن كاتەگوريالاۋعا بايلانىستى تالاپتار قويىلدى. ەكىنشى، بازالىق باعىتتاعى ءبىلىم بەرۋ بويىنشا ءتورت باعدارلاما ازىرلەندى.

قازىرگى ۋاقىتتا حالىقتىڭ سيفرلىق ساۋاتتىلىعىن ارتىرۋعا بايلانىستى ەكى باعىت بەلگىلەندى: ورتالىق مەملەكەتتىك ورگاندار حالىق پەن كاسىبي ماماندارعا وسى سالالار بويىنشا جان-جاقتى ءبىلىم بەرەدى، ال ەكىنشى باعىت بويىنشا، ەل تۇرعىندارىن جەرگىلىكتى اتقارۋشى ورگاندار وقىتادى. ءبىرىنشى باعىتتىڭ اياسىندا ەڭبەك جانە حالىقتى الەۋمەتتىك قورعاۋ مينيسترلىگى، دەنساۋلىق ساقتاۋ مينيسترلىگى، ءبىلىم جانە عىلىم مينيسترلىگى مەن اۋىلشارۋاشىلىق مينيسترلىگى جاۋاپتى مەملەكەتتىك ورگاندار رەتىندە قاتىسادى. اتالعان مەملەكەتتىك ورگاندار سيفرلىق ساۋاتتىلىققا بايلانىستى قوسىمشا ءبىلىم بەرۋگە اتسالىساتىن بولادى"، - دەپ مينيستر جاۋاپتى ورگانداردى اتاپ ءوتتى.