مامىر ايىندا استانادا «مما اپتالىعى» سپورتتىق شاراسى اياسىندا مما ارالاس جەكپە-جەكتەن قازاقستاننىڭ VI چەمپيوناتى وتەدى. بۇل تۋرالى قازاقستان مما فەدەراسياسىنىڭ باسپا ءسوز قىزمەتى مالىمدەدى، دەپ حابارلايدى Qamshy.kz اقپارات اگەنتتىگى.

8-11 مامىر ارالىعىندا ەل اۋماعىنان جينالعان كىل مىقتى سپورتشىلار قازاقستان چەمپيونى اتاعى ءۇشىن ب ا ق سىناسادى. جارىستار 14 سالماق دارەجەسىندە ەرلەر مەن ايەلدەر اراسىندا وتەدى. «قازاقستان الەمدىك اۋەسقوي مما-دا بەس جىل قاتارىنان كوشباسشى ورىندا كەلەدى. ال بيىل قازاقستاننىڭ VI چەمپيوناتىندا العاش رەت جاسوسپىرىمدەر قاتىسقالى جاتىر.

وسى ورايدا مما بويىنشا قازاقستاننىڭ ۇلتتىق قۇراماسىنىڭ قازىرگى مۇشەلەرىنىڭ سوڭىنان لايىقتى ءىزباسارلارى ەرىپ كەلە جاتقانى قۋانتادى. ءبىز جاسوسپىرىمدەر اراسىندا دا حالىقارالىق ارەنادا جوعارى ورىنداردان كورىنۋگە نيەتتىمىز»، - دەدى قازاقستان مما فەدەراسياسىنىڭ ءبىرىنشى ۆيسە-پرەزيدەنتى اسىلبەك دۇيسەنوۆ. 11 مامىردا مما-دان ق ر چەمپيوناتىنىڭ فينالى وتەدى، وندا اۋەسقويلار اراسىندا ۇزدىكتەر انىقتالادى.