بىرلەسكەن مالىمدەمە كانادا پرەمەر-مينيسترى دجاستين تريۋدونىڭ سايتىندا جاريالاندى. حيميالىق قارۋ قولدانۋ - حيميالىق قارۋ تۋرالى كونۆەنسيانى بۇزۋ، الەمدەگى بەيبىتشىلىك پەن ونىڭ تۇراقتىلىعىنا تونگەن ءقاۋىپ. زىمىران سوققىلارىن "ۇلكەن جەتىلىك" ەلدەرىنىڭ باسشىلارى "شەكتەۋلى، ءدال تيەتىن جانە قاجەتتى شارا" دەپ باعالادى. سەبەبى "ديپلوماتيالىق جولمەن رەتتەۋدىڭ بارلىق مۇمكىندىكتەرى تۇگەسىلگەن سوڭ عانا" اۋە سوققىسى جاسالىپ وتىر.
دەي تۇرعانمەن "ۇلكەن جەتىلىك" ەلدەرى سيرياداعى جانجالدى ديپلوماتيالىق جولمەن شەشۋدى قالايتىندارىن اتاپ وتكەن.
"ۇلكەن جەتىلىك" ەلدەرىنىڭ وتتاۆاعا جينالعان سىرتقى ىستەر مينيسترلەرى سولسبەريدە گرۋ-دىڭ بۇرىنعى وفيسەرى سەرگەي سكريپال مەن ونىڭ قىزىنىڭ ۋلانۋىن سىناعان مالىمدەمە تاراتتى. ءسىم باسشىلارى رەسەيدى ايىپتاپ وتىرعان ۇلىبريتانيا بيلىگىنىڭ ۇستانىمىمەن كەلىستى. ولار ماسكەۋدى سولسبەري وقيعاسىنا بايلانىستى سۇراقتاردىڭ بارلىعىنا جاۋاپ بەرۋگە شاقىردى.
