ق ر ءسىم باسىشىسىنىڭ ورىنباسارى ەرجان اشىكبايەۆ رەسەيلىك جۋرناليست ءارى تەلەجۇرگىزۋشى ۆلاديمير سولوۆيەۆتىڭ قازاقستان مەن رەسەيدىڭ ارا-قاتىناسى تۋرالى ايتقانىنا قاتىستى پىكىر ءبىلدىردى. بۇل تۋرالى Qamshy.kz اقپارات اگەنتتىگى tengrinews.kz پورتالىنا سىلتەمە جاساپ حابارلادى.

«مۇنداي اقپاردى ەستىدىك. سوڭعى ۋاقىتتاردا بىزگە كورشىلەس، دوستىق قاتىناستاعى مەملەكەت تاراپىنان وسىنداي پىكىرلەر ايتىلىپ ءجۇر. الدىمەن ءبىز رف مەملەكەتتىك ورگاندارىنىڭ رەسمي مالىمدەمەسىنە نازار اۋدارامىز. مەملەكەت باسشىسى نازاربايەۆ پەن رف پرەزيدەنتى پۋتين اراسىنداعى كەلىسسوزدەردىڭ ناتيجەسى بارىمىزگە  بەلگىلى. ءبىز ۇكىمەت دەڭگەيىندە سەنىمدى، سىندارلى ديالوگ ورناتتىق. سول سەبەپتى الدىمەن رەسمي پوزيسياعا نازار اۋدارامىز»، - دەدى ەرجان اشىكبايەۆ ۇكىمەت ۇيىندە جۋرناليستەردىڭ سۇراعىنا جاۋاپ بەرۋ بارىسىندا.

«قوعام بەلسەندىلەرى مەن ساراپشىلاردىڭ وسى سارىنداس پىكىرلەرى ەكى ەل اراسىنداعى دوستىق قارىم-قاتىناسقا نۇقسان كەلتىرمەس ءۇشىن ادەتتەگىدەي شارالار قولداناتىن بولامىز»، - دەدى ءسىم باسشىسىنىڭ ورىنباسارى.

ايتا كەتەيىك، «روسسيا» ارناسىنىڭ جۇرگىزۋشىسى ۆلاديمير سولوۆيەۆ تىكەلەي ەفير بارىسىندا بۇۇ قاۋىپسىزدىك كەڭەسىندەگى وتىرىستا قازاقستاننىڭ سايلاۋعا قاتىسۋى تۋرالى ايتقان: «قازاقستان مەن رەسەيدىڭ اراسىنان قارا مىسىق وتكەن بە؟ قازاقستانمەن ارامىزداعى بايلانىس جايلى بىلمەيتىنىمىز بار سەكىلدى. ءبىز قازاقستاندى دا نۇرسۇلتان ءابىشۇلىن دا ەرەكشە سىيلايمىز. ءبىراق وسىنداي سىن ساتتەردە نە بولىپ، نە قويعانىن تۇسىنگىمىز كەلەدى»، - دەگەن ەدى سولوۆيەۆ.