دانيا جاعالاۋىنداعى سكاگەرراك بۇعازىنان نەمىستىڭ U-3523 سۋاستى قايىعىنىڭ قالدىقتارى تابىلدى.

زەرتتەۋشىلەردىڭ پىكىرىنشە، سۋاستى قايىعىن بريتاندىق بومبالاۋشىلار باتىرعان. ول وقيعا 1945 جىلى 6 مامىردا كەڭەس اسكەرلەرىنىڭ دانيانى ناسيستەردەن ازات ەتكەن سوڭ ورىن العان.

58 ەكيپاج مۇشەسى بار U-3523 سۋاستى قايىعى ءىز-تۇسسىز جوعالىپ كەتكەن. ولرادىڭ ىشىندە ناسيستەردىڭ باسشىلىعى جانە ادولف گيتلەر بولعان. الايدا قايىق امان قالىپ، باعىتىن وڭتۇستىك امەريكاعا بۇردى دەگەن قاۋەسەت تە بولدى.

«بۇل – ەكىنشى دۇنيەجۇزىلىك سوعىس ۋاقىتىندا نەمىستەردىڭ تاپسىرىسىمەن سالىنعان الەمدەگى ەڭ زاماناۋي قايىق. ول ءوز زامانىنان وزىق تۇردى. نەمىستەر تاپسىرىس بەرگەن 118 قايىقتىڭ ەكەۋى عانا پايدالانۋعا بەرىلگەن»، - دەدى يۋتلانديا تەڭىز فلوتى مۇراجايىنىڭ ديرەكتورى گەرت نورمان اندەرسەن.

ال سۋاستى قايىعىن وقۋ كەمەسى رەتىندە پايدالانعان. اندەرسەننىڭ ايتۋىنشا، 5 مامىردا سوعىس بىتكەن ۋاقىتتا نەمىستەردىڭ ءبىرى سول قايىقپەن قاشىپ كەتپەكشى بولعان. ال قايدا  جانە نە ءۇشىن قاشپاق بولعانى بەلگىسىز.