گەنناديي گولوۆكيننىڭ پروموۋتەرى توم لەففلەر دوپينگ قولدانعانى ءۇشىن جارتى جىلعا بوكستان شەتتەتىلگەن مەكسيكالىق ساۋل «كانەلو» الۆارەسپەن ەكىنشى كەزدەسۋدىڭ قاشان وتەتىنىن ايتتى. بۇل تۋرالى vesti.kz جازدى. 

پروموۋتەردىڭ ايتۋىنشا، ەكىنشى جەكپە-جەك مەكسيكالىقتىڭ جازا مەرزىمى اياقتالعان سوڭ ۇيىمداستىرىلادى ەكەن. 

«الدىمەن ءبىز گولوۆكيننىڭ 5 مامىرداعى كەزدەسۋىن وتكىزىپ الايىق. سودان سوڭ Golden Boy Promotions كومپانياسىمەن كەلىسسوز باستاپ، جەكپە-جەكتى قىركۇيەك ايىنا ۇيىمداستىرامىز. بۇل كەزدەسۋدى ءالى دە جانكۇيەرلەر اسىعا كۇتىپ وتىر»، - دەدى لەففلەر. 

ەسكە سالا كەتەيىك، گولوۆكين مەن «كانەلو» اراسىنداعى كەزدەسۋ 5 مامىر كۇنى ءوتۋى كەرەك ەدى. ءبىراق الۆارەستىڭ  قانىنان دوپينگ تابىلىپ، تامىز ايىنا دەيىن شەتتەتىلدى. ەندى «كانەلونىڭ» ورنىنا وتانداسىمىزدىڭ قارسىلاسى امەريكالىق ۆانەس مارتيروسيان بولادى. جەكپە-جەك لوس-اندجەلەس قالاسىنىڭ ماڭىنداعى كارسون قالاسىنداعى StubHub Center سپورت كەشەنىندە وتەدى. بۇل كەزدەسۋدى وتانداسىمىز WBC، WBA (Super) جانە IBO بەلبەۋلەرىن قورعايدى.