پارلامەنت سەناتىندا جەرگە بايلانىستى جاڭا زاڭ جوباسى قابىلداندى، دەپ جازادى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

ق ر پرەمەر-مينيستردىڭ ورىنباسارى، ق ر اۋىلشارۋاشىلىعى ءمينيسترى ءومىرزاق شوكەيەۆ سەناتتا جەرگە قاتىستى جاڭا زاڭ جوباسىن تانىستىرىپ، قۇجاتتىڭ نەگىزگى نورمالارىن ايتىپ ءوتتى. ونىڭ سوزىنشە، زاڭ جوباسى اۋىلشارۋاشىلىق جەرلەرىن قازاقستاندىقتارعا جالعا بەرۋ نورمالارىن ساقتاۋعا جانە جەتىلدىرۋگە، جالعا بەرىلەتىن اۋىلشارۋاشىلىق جەرلەرىنىڭ بارىنشا كوپ مولشەرىن بەلگىلەۋگە جانە شەكارالاس اۋدانداردا جەردى جالعا بەرۋ تالاپتارىن كۇشەيتۋگە باعىتتالعان.

«قازاقستاندىقتارعا ۇسىنىلعان اۋىلشارۋاشىلىعى القاپتارىنىڭ ليزينگتىك مەكەمەسىن ساقتاي وتىرىپ، زاڭ جوباسىندا اۋىلشارۋاشىلىعى ماقساتىنداعى جەرلەردى كونكۋرستىق نەگىزدە بەرۋدىڭ جەكە ءتارتىبىن بەلگىلەۋ قاراستىرىلعان. تەندەرلەردىڭ اشىقتىعىن قامتاماسىز ەتۋ ماقساتىندا كوميسسيا قۇرامىنا قوعامدىق كەڭەس پەن ۇيىم وكىلدەرىن قوسۋ كوزدەلۋدە. جاڭا تارتىپتە باق-تاردا جانە اكىمدىكتەر مەن اشم-نىڭ رەسمي سايتىندا تەندەر جايىندا جاريالاناتىن اقپاراتتاردى باقىلاۋ قاراستىرىلاتىن بولادى»، - دەپ مالىمدەدى ءومىرزاق شوكەيەۆ.

مينيستر ۇسىنىلعان اۋىلشارۋاشىلىعى جەرلەرىن ۇتىمدى پايدالانۋدى باقىلاۋدى كۇشەيتۋ ءۇشىن تۇراقتى مونيتورينگ جۇرگىزىلەتىنىن اتاپ ءوتتى. العاشقى بەس جىلدا جىل سايىن وتسە، كەيىننەن ءۇش جىلدا ءبىر وتەتىن بولادى.