ديلناز ابىشيەۆانىڭ ءولىمىنىڭ ناقتى سەبەبى 27 ساۋىردە بەلگىلى بولادى.

اقتوبەدە ساباق ۇستىندە جاعدايى ناشارلاپ قايتىس بولعان 5-سىنىپ وقۋشىسىنا قاتىستى دارىگەرلەر تۇسىنىكتەمە بەردى.

«وقيعا 10 ساۋىردە بولدى. 11 جاستاعى قىزدىڭ ساباق ۇستىندە ناشارلاپ كەتكەن. «قىز ەسىنەن تانىپ قالدى» دەپ جەدەل جاردەم شاقىرىلدى. ستاندارتقا سايكەس ەسىنەن تانۋ شاقىرۋدىڭ ەكىنشى كاتەگورياسىنا جاتادى ءارى جەدەل جاردەم 15 مينۋتتا جەتۋى ءتيىس. وقيعا ورنىنا جەدەل جاردەم كولىك 14 مينۋتتا جەتتى. الايدا قىز ول ۋاقىتقا دەيىن كوز جۇمعان»، - دەدى اقتوبە وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا ەسەنامانوۆا.

ەسەنامانوۆانىڭ ايتۋىنشا، جەدەل جاردەم جەتپەس بۇرىن العاشقى كومەك كورسەتۋ كۋرسىنان وتكەن مەدبيكە كارديومەديسينالىق كومەك كورسەتكەن. سول ۋاقىتتا جەتكەن مەدبيكەلەر دە قىزدىڭ ءومىرى ءۇشىن جانتالاسادى، الايدا ناتيجەسىز بولدى.

«مەديسينالىق ەكسپەرتيزانىڭ الدىن الا دياگنوزى بويىنشا، قىزدىڭ جۇرەگى توقتاپ قالعان. مۇنداي جاعدايلار ۇلكەندەرمەن قوسا بالالار اراسىندا دا جىلىنا بىر-ەكى رەت بولىپ تۇرادى. قىزدىڭ دەنى ساۋ بولعان، جۇرەك تالماسى دا بولماعان. كوكتەمدە وتكەن مەديسينالىق تەكسەرۋ كەزىندە دە دەنساۋلىعى قالىپتى بولدى»، - دەدى باسقارما باسشىسىنىڭ ورىنباسارى.

بۇعان قوسا مۇعالىمدەردىڭ «جەدەل جاردەمگە 18 رەت حابارلاسىپ، كەلمەگەن سوڭ جەدەل جاردەم كولىگىن جولدان توقتاتىپ الدىق» دەگەن دەرەكتەرىن جوققا شىعاردى.