تۇركىستان قالاسىندا «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ۇيىمداستىرۋىمەن «قازاق حاندارىنىڭ جوڭعار شاپقىنشىلىعىنا قارسى ازاتتىق سوعىسىنداعى ءرولى» اتتى رەسپۋبليكالىق عىلىمي-تاجىريبەلىك كونفەرەنسياسى ءوتتى، دەپ حابارلايدى Qamshy.kz اقپارات اگەنتتىگى. 

 

كونفەرەنسيانىڭ نەگىزگى ماقساتى – ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى، ەلوردامىز استانا قالاسىنىڭ 20 جىلدىعى جانە وربۇلاق شايقاسىنداعى جەڭىسكە 375 جىل تولۋىنا وراي بابالاردىڭ ەرلىگىن ۇلىقتاۋ، جاستاردى پاتريوتتىق رۋحتا تاربيەلەۋ، كيەلى جەرلەردى كەڭىنەن تانىتۋ، تاريحي-مادەني مۇرالارىمىزدى ساقتاۋ، ناسيحاتتاۋ ارقىلى كەلەشەك ۇرپاق كادەسىنە جاراتۋ، سونىمەن قاتار تۇركى حالىقتارىنىڭ رۋحاني ءپىرى قوجا احمەت ياساۋي مۇرالارىنىڭ تاريحتاعى ورنى جانە وتاندىق مۋزەي سالاسىنداعى اكتۋالدى پروبلەمالاردى ساراپتاۋ، تالداۋعا ارنالعان. 

 

كونفەرەنسيا جۇمىسىنا «قاسيەتتى قازاقستان» عىلىمي-زەرتتەۋ ورتالىعىنىڭ باسشىسى بەرىك ءابدىعالي ۇلى، «ازىرەت سۇلتان» قورىق-مۋزەيىنىڭ ديرەكتورى نۇربولات احمەتجانوۆ، ق ر ۇلتتىق مۋزەيدىڭ اعا عىلىمي قىزمەتكەرى ابسەمەتوۆا جۇماكۇل، ق.ا.ياساۋي اتىنداعى حقتۋ وقىتۋشىسى، ت.ع.د.، پروفەسسور تۇرسىن حازىرەتالى، قاراعاندى وبلىسى بەينەلەۋ ونەرى مۋزەي ديرەكتورىنىڭ ورىنباسارى ارشابەكوۆ تەمىرعالي، «ابىلاي حان رەزيدەنسياسى» مۋزەيىنىڭ ديرەكتورى سادايەۆ ايان، اتىراۋ وبلىستىق تاريحي-ولكەتانۋ مۋزەيى ديرەكتورىنىڭ ورىنباسارى گازيموۆا سايا، ش.ءۋاليحانوۆ اتىنداعى مۋزەي ديرەكتورى كولىبايەۆ ءۋاليحان، ورداباسى قورىق-مۋزەيىنىڭ باس قور ساقتاۋشىسى كاسيموۆ باقىتجان، «ەجەلگى تاراز» ەسەكرتكىشتەرى قورىق-مۋزەيىنىڭ اعا عىلىمي قىزمەتكەرى شىلدەبايەۆا جازيرا، قىزىلوردا وبلىسى، ق ر ۇلتتىق مۋزەيىنىڭ عىلىمي قىزمەتكەرى كوكەبايەۆ دارحان، وتىرار قورىق مۋزەيىنىڭ كىشى عىلىمي قىزمەتكەرى ابدۋحاحيتوۆ ەرقوجا، ع.مۇراتبايەۆ مۋزەيىنىڭ عىلىمي قىزمەتكەرى جادىراسىنوۆا التىناي، سىندى تاريح، فيلولوگيا، فيلوسوفيا، شىعىستانۋ، مادەنيەتتانۋ سالالارىنىڭ عالىمدارى مەن ماماندارى قاتىستى. 

 

«ازىرەت سۇلتان» قورىق-مۋزەيىنىڭ ديرەكتورى نۇربولات احمەتجانوۆ وربۇلاق شايقاسىنداعى جەڭىسكە 375 جىل تولۋىنا وراي وتكىزىلگەن كونفەرەنسيا جۇمىسىنا ساتتىلىك تىلەدى. «قاسيەتتى قازاقستان» عىلىمي-زەرتتەۋ ورتالىعىنىڭ باسشىسى بەرىك ءابدىعالي ۇلى ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ قۇتتىقتاۋ حاتىن وقىپ بەردى. 

 

مينيستر قۇتتىقتاۋ حاتتا "وسىنداي وزەكتى ماسەلەلەرگە ارنالعان باسقوسۋلار ەل مادەنيەتىنىڭ وركەندەۋى مەن تاريحي سانامىزدىڭ جاڭعىرۋىنا اكەلەدى. 

 

باتىر بابالارىمىزدىڭ ازاتتىق جولىنداعى قايراتكەرلىك كۇرەستەرىنە ارنالعان بۇگىنگى كونفەرەنسيا ءتول تاريحىمىزدى تەرەڭىرەك زەرتتەۋگە، ۇلتتىق بىرەگەيلىگىمىزدى نىعايتۋعا سەپتىگىن تيگىزەدى دەپ سەنەمىن"-دەپ، ءوز پىكىرىن بىلدىرگەن.

 

كونفەرەنسيا بارىسىندا «كيەلى جەرلەر – ۇلتتىق بىرلىك پەن جاڭعىرۋ نىشانى»، «وربۇلاق شايقاسى تۋرالى دەرەكتەر سىر شەرتەدى»، «ءحۇىىى عاسىرداعى قازاق حاندىعىنىڭ ساياسي-الەۋمەتتىك تاريحى»، «جوڭعار حاندىعىنىڭ قازاق دالاسىنا جاساعان جورىقتارى»، «ءجالاڭتوس ءباھادۇر»، «وربۇلاق شايقاسىنداعى – سالقام جاڭگىر» سىندى باياندامالار وقىلدى.