ءبىرىنشى رەت ق ر پرەزيدەنتىنىڭ «قۇقىق قورعاۋ ورگاندارىنىڭ جۇيەسىن ودان ءارى رەفورمالاۋ شارالارى تۋرالى» 1997 جىلدىڭ 22 ساۋىرىندەگى 3465ء-شى جارلىعىنا سايكەس، قورعانىس جانە ىشكى ىستەر مينيسترلىكتەرىندە اسكەري پوليسيانىڭ جەكە قۇرىلىمدارى قۇرىلدى.
پرەزيدەنت جارلىعىنىڭ نەگىزىندە «ق ر قك اسكەري پوليسياسى جونىندەگى ەرەجەنى جۇزەگە اسىرۋ تۋرالى» قورعانىس مينيسترلىگى بۇيرىق شىعارىپ، ق ر قك اسكەري پوليسياسى قىزمەتكەرلەرىنىڭ مىندەتتەرى مەن قۇقىقتارى، مارتەبەسى مەن ماقساتى ايقىندالدى. وندا ق ر ۇلتتىق قاۋىپسىزدىك كوميتەتىنىڭ شەكارا قىزمەتىنىڭ، ىشكى ىستەر مينيسترلىگىنىڭ، قورعانىس مينيسترلىگىنىڭ قۇرامىنا قارايتىن اسكەري پوليسيا اسكەري قۇرىلىمدارداعى قۇقىق ءتارتىبىن قامتاماسىز ەتەتىندىگى جانە اسكەري پوليسيانىڭ قۇقىعى مەن فۋنكسياسى ق ر زاڭدارىمەن قورعالاتىندىعى ايتىلعان. ق ر قك مەكەمەلەرى مەن اسكەري بولىمدەرىندە قۇقىق بۇزۋشىلىق پەن اسكەري قىلمىستىڭ الدىن-الۋ، انىقتاۋ جانە جولىن كەسۋ ماقساتىندا قۇرىلعان اسكەري پوليسيا جاساعىنا 21 جىل تولۋىنا وراي الماتى وڭىرلىك گارنيزونى اسكەري پوليسيا جاساعىندا سالتاناتتى جيىن ءوتتى.
سالتاناتتى جيىندا الماتى وڭىرلىك گارنيزونى اسكەري پوليسيا جاساعىنىڭ گارنيزوندىق دەڭگەيدەگى شارالاردى ۇيىمداستىرۋعا قاتىسۋ، دالا جاتتىعۋلارى وتكىزىلەتىن ايماقتا كومەندانتتىق قىزمەتتى قامتاماسىز ەتۋ، ۇزاق جولعا اسكەري تەحنيكانى جەتكىزۋگە كومەكتەسۋ، قىزمەت ورنىن ءوز ەركىمەن تاستاپ كەتكەن اسكەريدى ىزدەۋ جانە تاعى دا باسقا ماڭىزدى جۇمىستارعا تارتىلماعان اسكەري پوليسيا قىزمەتكەرى كەمدە-كەم شىعار. اسكەري پوليسيا قىزمەتكەرى اسكەردەگى ءتارتىپ پەن تالاپتىڭ، ءتالىم مەن تاربيەنىڭ ۇلگىسى بولا ءبىلۋى كەرەك. قۇرىلعانىنا 21 جىل بولعان اسكەري پوليسيانىڭ باستى ماقساتى - اسكەريلەردىڭ قۇقىعى مەن زاڭدىلىق مۇددەسىن قورعاۋ. ق ر قك اسكەري پوليسياسىنىڭ جەكە قۇرامى ءوز كۇشى مەن مۇمكىندىكتەرىنە قاراي جانە زاڭدارعا سۇيەنە وتىرىپ، ەلىمىزدىڭ ودان ءارى ءوسۋى مەن وركەندەۋىنە باعىتتالعان ءنورماتيۆتى اكتىلەردى، وزگە جەتەكشى قۇجاتتاردى، كونستيتۋسيانىڭ بارلىق اسپەكتىلەرىن جۇزەگە اسىرۋ. "ءبىزدىڭ ابىرويىمىزدى ارتتىراتىن ىستەر كوپ. سونىڭ ءبىرى - بىلتىر رەسەيدە وتكەن حالىقارالىق ارميا ويىندارىندا كينولوگيالىق بايقاۋدا 2 ورىندى يەلەندىك.
ءبىزدىڭ كينولوگيالىق ءبولىم جارىلعىش زاتتاردى ىزدەۋ بويىنشا كينولوگ-ماماندارعا ارنالعان كاسىبي بىلىكتىلىك كۋرسىنا قولداۋ كورسەتۋ ماقساتىندا اقش ەلشىلىگىنەن العىس xات الدىق" دەدى الماتى وڭىرلىك گارنيزونى اسكەري پوليسيا جاساعىنىڭ باستىعى پولكوۆنيك ەرديلدا رشاۋوۆ. سونىمەن بىرگە ول بارلىق اسكەري پوليسيا جاساعىنىڭ قىزمەتكەرلەرىن ق ر قك باس اسكەري پوليسيا باستىعى پولكوۆنيك ب.لەكەروۆتىڭ قۇتتىقتاۋى مەن العىس xاتتاردى تابىس ەتتى. جيىن سوڭى سالتاناتتى كونسەرتتىك باعدارلاماعا ۇلاستى. قارلىعاش مۇسابەك قىزى
پىكىر قالدىرۋ