2018 جىلعى 23 ساۋىردە جامبىل وبلىسى اكىمىنىڭ وكىمىمەن ءابدىرايىموۆ عالىمجان رايىل ۇلى تاراز قالاسى اكىمى بولىپ تاعايىندالدى.

ءابدىرايىموۆ عالىمجان رايىل ۇلى 1965 جىلى تۋعان، ۇلتى قازاق، ءبىلىمى جوعارى.

1988 جىلى جامبىل گيدرومەليوراتيۆتىك-قۇرىلىس ينستيتۋتىن «ينجەنەر-قۇرىلىسشى»، 2003 جىلى «تۋران» ۋنيۆەرسيتەتىن «زاڭگەر» ماماندىقتارى بويىنشا بىتىرگەن. ەڭبەك جولىن 1987 جىلى جامبىل وبلىسىنداعى «شىعىس» كولحوزىندا قۇرىلىس ۋچاسكەسىنىڭ ماستەرى بولىپ باستاعان.

1991-1998 جىلدارى لۋگوۆوي اۋداندىق اتقارۋ كوميتەتى جانىنداعى ساۋلەت-جوسپارلاۋ بيۋروسىنىڭ تەحنيك-قۇرىلىسشىسى، «الراي» شارۋا قوجالىعىنىڭ ءتوراعاسى، «التاير» ج ش س ساۋلەت-قۇرىلىس فيرماسىنىڭ اتقارۋشى ديرەكتورى، 1998-2002 جىلدارى الماتى قالالىق ورتالىق ليسەنزيالاۋ، ساۋلەت-قالا قۇرىلىسى قىزمەتىنىڭ ساراپشىسى، باس مامانى، ءبولىم باستىعى، ديرەكتورى، 2002-2003 جىلدارى الماتى وبلىسى بويىنشا ساۋلەت-قۇرىلىس باقىلاۋ جانە ليسەنزيالاۋ اۋماقتىق باسقارماسىنىڭ باستىعى، استانا قالاسى بويىنشا يندۋستريا، ساۋدا جانە شاعىن بيزنەستى قولداۋ دەپارتامەنتى ديرەكتورىنىڭ ورىنباسارى، 2003-2009 جىلدارى الماتى وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ باستىعى، 2009-2013 جىلدارى قازاقستان رەسپۋبليكاسى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى اگەنتتىگىندە باسقارما باسشىسى، دەپارتامەنت ديرەكتورى – قازاقستان رەسپۋبليكاسىنىڭ مەملەكەتتىك قۇرىلىس ينسپەكتورى، 2013-2014 جىلدارى قازاقستان رەسپۋبليكاسى وڭىرلىك دامۋ مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى، 2014-2015 جىلدارى الماتى وبلىسى اكىمى اپپاراتىنىڭ باسشىسى، 2015-2017 جىلدارى الماتى وبلىسى اكىمىنىڭ ورىنباسارى، 2017 جىلدىڭ 15 اقپانىنان بۇگىنگى كۇنگە دەيىن جامبىل وبلىسى اكىمىنىڭ ورىنباسارى قىزمەتتەرىن اتقارعان.