قوعامدىق دەنساۋلىق ساقتاۋ دەپارتامەنتى ميكروبيولوگيالىق كورسەتكىشتەر بويىنشا دەنساۋلىققا زيان كەلتىرەتىن ازىق-تۇلىك ونىمدەرىن  انىقتادى.

قازاقپارات دەرەگىنە سۇيەنسەك، رەسەيدەن كەلگەن «چەباركۋلسكايا پتيسا» برويلەر-بالاپانى ونىمىنەن جانە اقش-تان كەلەتىن تاۋىق سانىنان سالمونەللا تابىلعان. بۇل تابان استىندا جاسالعان تەكسەرىس ناتيجەسىندە انىقتالىپ وتىر.

اتالعان ونىمدەر تولىقتاي جويىلدى. سالمونەللا رەسەيدەن «مپك» اتاۋىمەن كەلەتىن تاۋىق ەتىنەن دە تابىلدى. سونىمەن قاتار «CAPITAL  PROJECTS LTD» ج ش س وندىرەتىن «كۋروچكا ريابا» بويلەرىنەن دە تابىلعان.

«ءونىمدى بۇرمالاۋ فاكتىلەرى  تىركەلىپ وتىر. ءسۇت ونىمدەرىنەن الىنعان 100 سىنامانىڭ 6 پايىزى تالاپقا سايكەس كەلمەگەن. بۇل Lactalis International جانە «President» مايى جانە «شادرينسكوە» سۇتىنە قاتىستى. رەسەيدەن كەلەتىن قۇس ەتتەرىنەن الىنعان 100 سىنامانىڭ ۇشەۋىنەن ماركيروۆكادا ەسكەرتىلمەگەن شوشقا دنق-سى (دەزوكسيريبونۋكلەين قىشقىلى) تابىلعان»، - دەيدى تەحنيكالىق رەگلامەنتتەردى قاداعالاۋ ءبولىمىنىڭ باسشىسى سامات قازانبايەۆ.