ۇلتتىق ەكونوميكا ەكس-مينيسترى قۋاندىق بيشىمبايەۆ تەرگەۋ يزولياتورىندا ۋاقىتىن قۇر وتكىزىپ جاتقان جوق. الەم ادەبيەتىن وقىپ، اراب جانە جۇڭگو تىلدەرىن ۇيرەنىپ جاتىر.

ەكس-مينيستردى قولداۋ ماقساتىندا اشىلعان Facebook-تەگى پاراقشادا بيشىمبايەۆتىڭ ەكى شەت ءتىلىن ۇيرەنىپ جۇرگەنى تۋرالى اقپارات شىقتى.

«تۇرمەدە ول الەمدەگى ەڭ قيىن ەكى ءتىلدى ۇيرەنىپ ءجۇر – اراب جانە جۇڭگو تىلدەرى. بوستاندىققا شىققاندا ادامدار ونىڭ وتكەنىن ەسىنە الىپ سىنامايدى، باسەكەگە قابىلەتتىلىك قاسيەتىن ساقتاپ قالدى ما، الدە جوعالتىپ الدى ما، سونى ءسوز ەتەدى»، – دەپ جازىلعان پاراقشاداعى جازبادا.

قۋاندىق بيشىمبايەۆتىڭ ايەلى tengrinews.kz تىلشىسىنە اتالمىش اقپاراتتى راستادى.

«تەرگەۋ يزولياتورىندا اراب ءتىلىن ۇيرەنىپ جاتقانى راس. جۇڭگو ءتىلى كۇردەلى، ونى ۇيرەنۋ ءۇشىن ارنايى ءمۇعالىم كەرەك. ءبىراق سوعان قاراماستان كۇيەۋىم جۇڭگو ادەبيەتىن سۇراستىرىپ جاتىر. كوپ وقيدى، اسىرەسە الەم ادەبيەتىن وقىعاندى جاقسى كورەدى.

ايتا كەتەيىك، 2018 جىلدىڭ 14 ناۋرىزىندا 10 جىلعا باس بوستاندىعىنان ايىرىلعان ەكس-مينيستر وتكەن اپتادا سوت ۇكىمىنە شاعىم تۇسىرگەن.