اتىراۋدا ەر ادامنان ءىرى كولەمدە قارا ۋىلدىرىق تاركىلەندى، دەپ حابارلايدى Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ. «وبلىستىق ءىىد ۇيىمداسقان قىلمىسپەن كۇرەس باسقارماسىنىڭ قىزمەتكەرلەرى جەرگىلىكتى تۇرعىندى ۇستادى.
ونى تەكسەرۋ كەزىندە 14 دانا ءبىر جارىم ليترلىك پلاستيك قۇتىعا سالىنعان قارا ۋىلدىرىق تاركىلەندى. ۇستالۋشىنىڭ ۇيىنەن وسىنداي تاعى ەكى ىدىس تابىلدى. جالپى 8 كەلى ۋىلدىرىق تاركىلەندى.
بۇل وقيعا ق ر قك-نىڭ 296-بابى بويىنشا سوتقا دەيىنگى ءبىرىڭعاي تىزىلىمگە تىرەۋگە الىندى»، - دەپ حابارلادى وڭىرلىك ءىىد باسپا ءسوز قىزمەتى. ەسكە سالا كەتسەك، قازاقستاندا بەكىرە تۇقىمدى بالىق جويىلىپ كەتۋگە شاق قالعاندىقتان ونى اۋلاۋعا تىيىم سالىنعان.
