سەيسەنبى، 24 ساۋىردە مەتەورولوگيالىق جاعدايلار قازاقستاننىڭ كوپتەگەن قالالارىندا لاستاۋشى زاتتاردىڭ ىدىراۋىنا ىقپال ەتەدى، دەپ حابارلايدى Qamshy.kz اقپارات اگەنتتىگى قازگيدرومەتتىڭ دەرەگىن نەگىزگە الىپ. 

«قازگيدرومەت» رمك-نىڭ مالىمەتتەرى بويىنشا، اقتاۋ، جاڭاوزەن، اقتوبە، استانا، اتىراۋ، قوستاناي، كوكشەتاۋ، قىزىلوردا، اقسۋ، ەكىباستۇز، پاۆلودار، پەتروپاۆل، تالدىقورعان، تاراز، وسكەمەن، اقسۋ، ورال، شىمكەنت، كۇندىز قاراعاندى، تەمىرتاۋ قالالارىنداعى مەتەوجاعدايلار، اتموسفەرادا لاستاۋشى زاتتاردىڭ ىدىراۋىنا ىقپال ەتەدى.

الماتى، بالقاش، تۇندە قاراعاندى جانە تەمىرتاۋ قالالارىنداعى مەتەوجاعدايلار اتموسفەرادا لاستاۋشى زاتتاردىڭ شوعىرلانۋىنا اسەر ەتەدى. قمج - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقامەرزىمدى مەتەورولوگيالىق فاكتورلاردىڭ (تىمىق، جەڭىل جەل، تۇمان، ينۆەرسيا) ۇيلەسىمى.

قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى مۇمكىن. لاستانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى - سينوپتيكالىق احۋالدىڭ (جەل، جاۋىن-شاشىن، ىلعالدىلىق، اۋا تەمپەراتۋراسى) بولجامى.