الماتى اكىمى باۋىرجان بايبەك اپتا سايىنعى اپپاراتتىق كەڭەس بارىسىندا مەگاپوليستىڭ كوممۋنالدىق سالاسىنىڭ جاڭا باسشىلارىن تانىستىردى. «الماتى سۋ» قالالىق كاسىپورنىنىڭ باس ديرەكتورلىعىنا ەرمەك ۇسەنبايەۆ تاعايىندالدى. ءوز كەزەگىندە، قۋانىش بەيسەنبينوۆ «الماتى جىلۋ جۇيەسى» ءجشس-نىڭ باسشىسى اتاندى.
بۇگىنگى تاعايىنداۋعا دەيىن ەرمەك ۇسەنبايەۆ الماتى قالاسىنىڭ ەنەرگەتيكا جانە كوممۋنالدى شارۋاشىلىق باسقارماسىنىڭ باسشىسى بولعان ەدى. ول ءتۇرلى جىلدارى جامبىل وبلىسى اكىمىنىڭ ءبىرىنشى ورىنباسارى، «وڭتۇستىك» جانە «الماتى» اكك-لار باسقارماسى ءتوراعالارىنىڭ ورىنباسارى قىزمەتتەرىن اتقاردى.
«الماتى سۋ» بىرىككەن كاسىپورنى جاڭا باسشىسىنىڭ الدىنا تەحنولوگيالىق پروسەسستەردى اۆتوماتتاندىرۋ، شىعىندى وڭتايلاندىرۋ، قىزمەت كورسەتۋ ساپاسىن ارتتىرۋ سىندى ءبىرقاتار مىندەتتەر قويىلدى. بۇلاردان وزگە، ءوندىرىستى مودەرنيزاسيالاۋدى، ينجەنەرلىك جەلىلەردى جانە جۇيەلەردە اپاتتى ازايتۋ ءۇشىن قوندىرعىلاردى اۋىستىرۋ جونىندەگى جۇمىستاردى ودان ءارى جالعاستىرۋ قاجەت.
بۇرىندارى «الماتى سۋ» كاسىپورنىن باسقارعان قۋانىش بەيسەنبينوۆ «الماتى جىلۋ جۇيەلەرى» ءجشس-نىڭ باس ديرەكتورى بولىپ تاعايىندالدى. ول ءتۇرلى جىلدارى. استانانىڭ ەنەرگەتيكا جانە كوممۋنالدى شارۋاشىلىق باسقارماسىنىڭ باسشىسى، الماتى قالاسى ەنەرگەتيكا جانە كوممۋنالدى شارۋاشىلىق باسقارماسى باسشىسىنىڭ ءبىرىنشى ورىنباسارى جانە باسقا دا قىزمەتتەردى اتقارعان.
جاڭا باسشى الدىنا كاسىپورىننىڭ جۇمىس تيىمدىلىگىن ارتتىرۋ، جىلۋدىڭ ءنورماتيۆتى جانە نورماتيۆتەن جوعارى شىعىندارىن ازايتۋ، وندىرىستىك پروسەسستەر مەن قىزمەت كورسەتۋدىى سيفرلاندىرۋ مىندەتتەرى قويىلدى.
پىكىر قالدىرۋ