الماتىدا V حالىقارالىق فارابي وقۋلارى اياسىندا “تۇراقتى دامۋ ماقساتىنداعى حالىقارالىق جۋرناليستيكانى وقىتۋ مودەلدەرى (MTIJ)” اتتى ءۇشىنشى حالىقارالىق عىلىمي-تاجىريبەلىك كونفەرەنسيا ءوتتى.
عىلىمي كونفەرەنسيا «ماماندىققا وقىتۋدىڭ جاڭا الگوريتمدەرى»، «2018 جىلدىڭ مەديا-ترەندتەرى»، «ءىىى كونفەرەنسيا (مTIJ): كەڭەس بەرۋ جانە ديالوگ فورماتتارى» باعىتتارىن قامتىپ، «ءونلاين-بىلىم بەرۋ ۇدەرىستەرى»، «الەمدىك قاۋىپ-قاتەرلەر جۇيەسىندەگى جۋرناليستيكا» «تۇراقتى دامۋ كلاستەرىندەگى مەدياسفەرا»، «مەديانى روبوتيزاسيالاۋ»، «پوستشىندىق كەزەڭى جانە كونتەنتتى تەكسەرۋ»، «Crowdlearning: اۋديتوريانى زەرتتەۋدىڭ جاڭا دەڭگەيى»، «كيبەر سوعىستار جانە جەكە قاۋىپسىزدىك تاۋەكەلدەر» تاقىرىپتارىندا ءوربىدى.
كونفەرەنسيانى جۋرناليستيكا فاكۋلتەتىنىڭ دەكانى ساعاتبەك مەدەۋبەك ۇلى اشىپ، بيىل ءۇشىنشى مارتە وتكىزىلىپ وتىرعان جيىن جۇمىسىنا ساتتىلىك تىلەدى. جۋرناليستەر دايارلاۋداعى وزەكتى ماسەلەنى كەڭ ءارى اشىق تالقىلاۋ ءبىلىم بەرۋ جانە مەديا سالاسىنداعى ساراپشىلاردىڭ ءوزارا تاجىريبە الماسىپ، ماسەلەنى بىرىگىپ شەشۋىنە ىقپال ەتەرى داۋسىز دەگەن سەنىم ءبىلدىردى.
كونفەرەنسيا مودەراتورى يۋنەسكو، حالىقارالىق جۋرناليستيكا جانە قوعامدىق مەديا كافەدراسىنىڭ مەڭگەرۋشىسى نازگۇل شىڭعىسوۆا اقپاراتتىق كونتەنتتى ساۋاتتى قالىپتاستىرىپ، تىلدىك جانە قۇقىقتىق تۇرعىدان بىلىكتىلىك تانىتاتىن ماماندار دايارلاۋداعى وزەكتى ماسەلەلەردى ويتالقىعا سالاتىن عىلىمي جيىننىڭ ماڭىزدىلىعىن اتاپ ءوتتى. «حالىقارالىق جۋرناليستيكا» ماماندىعىنىڭ وزەكتى ماسەلەلەرىن تىلگە تيەك ەتتى. قاتىسۋشىلاردى الدىڭعى وتكىزىلگەن ەكى كونفەرەنسيانىڭ قورىتىندىلارىمەن تانىستىردى.
ودان كەيىن ءسوز العان الماتى قالاسى، يۋنەسكو كلاستەرلىك بيۋروسىنىڭ كوممۋنيكاسيا جانە اقپارات ءبولىمىنىڭ مامانى سەرگەي كارپوۆ ب ا ق دامۋىنداعى جاھاندىق تەندەنسيالارعا بايلانىستى بايانداماسىندا ب ا ق ەركىندىگى، پليۋراليزم، جۋرناليستەردىڭ تاۋەلسىزدىگى جانە قاۋىپسىزدىگى سالاسىنداعى جاڭا تەندەنسيالارعا سىني تالداۋ جاسادى.
بۇۇ-نىڭ قازاقستانداعى قوعامدىق اقپارات دەپارتامەنتىنىڭ ديرەكتورى ۆلاستيميل سامەك ب ا ق دامۋىنداعى قازاقستاننىڭ ەلەۋلى الەۋەتىن اتاپ ءوتتى: «ءبىز، ارينە، جۋرناليستيكانى وقىتۋ بويىنشا تەحنولوگيالىق، حالىقارالىق ستاندارتقا نەگىزدەلگەن باعدارلامالاردىڭ ەنگىزىلۋى مەن قولدانىلۋىنداعى ۇدەرىستەردى قولدايمىز. الەمدىك ستاندارت بويىنشا جۇمىس اتقاراتىن قازاقستاندىق جۋرناليستەر جاھاندىق اقپاراتتىق كەڭىستىكتە شەتەلدىك ارىپتەستەرمەن باسەكەگە قابىلەتتى بولادى».
قازاقستان جۋرناليستيكا اكادەمياسىنىڭ پرەزيدەنتى ساعىمباي قوزىبايەۆ جۋرناليستەر دايارلاۋداعى ءبىلىم بەرۋ ۇدەرىسىنىڭ ساپاسى مەن دەڭگەيىن قاتاڭ باقىلاۋ قاجەتتىلىگىنە توقتالدى.
جيىندا بايانداما جاساپ، وزەكتى ويلارىن ورتاعا سالعان پروفەسسور ءلايلا احمەتوۆا، «ءادىل ءسوز» ءسوز بوستاندىعىن قورعاۋ حالىقارالىق قورىنىڭ ساراپشىسى عاليا اجەنوۆا، «Internews» ورتالىق ازياداعى وكىلدىگىنىڭ باسشىسى مارات بيگالييەۆ، وسى ۇيىمنىڭ جاڭا مەديا-كەڭەسشىسى اننا سۋكاچيەۆا، زاڭگەرى ولگا ديدەنكو، «تۇركىتىلدەس جۋرناليستەر قورى» قق پرەزيدەنتى ءنازيا جويامەرگەن قىزى، «مىنبەر» جۋرناليستەردى قولداۋ ورتالىعىنىڭ پرەزيدەنتى ەسەنگۇل كاپ قىزى، Factcheck.kz رەداكتورى دۋمان سماقوۆ ت.ب. جۋرناليستەر دايارلاۋ ءىسىن ۇنەمى جەتىلدىرىپ، الەمدىك ستاندارتقا ساي ساپالى دايارلاۋ قاجەت دەگەن ورتاق پىكىرگە توقتالدى.
پىكىر قالدىرۋ