الماتىدا «الماتىەلەكتروترانس» باللانسىندا قالعان ۆاگوندار جاقىندا ءباسساۋدادا ساتىلدى.

ءدال وسى 1002، 1010 جانە 1014 ءنومىرلى، تەحنيكالىق تۇرعىدان ەسكىرگەن ۆاگوندار 2015 جىلى جول اپاتىنا سەبەپ بولعان ەدى. جول وقيعاسىنان سوڭ قالا بيلىگى ترامۆاي قوزعالىسىن توقتاتۋ تۋرالى شەشىم قابىلداعان بولاتىن.

ەلەكتروندى ساۋدا الاڭىندا كورسەتىلگەن مالىمەتكە سايكەس، 1983-1985 جىلدارى شىققان KT4Dt ماركىلى ۆاگوندار بولشەكتەلىپ، مەتالل رەتىندە ءباسساۋدادا ساتىلدى. لوتتىڭ باستاپقى باعاسى 1 751 000 تەڭگە بولسا، ساۋدانىڭ سوڭىنا تامان ەڭ جوعارعى باعا ۇسىنعان زاڭدى تۇلعاعا 2 330 581 تەڭگەگە ساتىلدى. كەپىلدىك سوماسى 262 مىڭ تەڭگە بولدى.

ايتا كەتۋ كەرەك، 19-قاڭتاردا 1983-1985 جىلعى پايدالانۋعا ءالى دە جارامدى KT4Dt ماركىلى 13 ۆاگون ساتىلعان بولاتىن. كولىكتەردىڭ باستاپقى باعاسى 118 508 599 تەڭگەگە باعالاندى. ءقازىر اتالعان ۆاگوندار اقشىل كوك تۇسكە بويالىپ، وسكەمەنگە جىبەرىلگەلى جاتىر.

ايتا كەتۋ كەرەك، «ەرتىس» الەۋمەتتىك-كاسىپكەرلىك كورپوراسياسى «وسكەمەن ترامۆاي پاركىن» ساتىپ العان بولاتىن.

كەشەن «بانك سەنتر كرەديت» اق الدىنداعى بورىشى كوپ بولعاندىقتان 20-ناۋرىزدا 444 ملن تەڭگەگە ساتىلعان بولاتىن. «ەرتىس» اكك ءبىراز ينۆەستيسيا سالىپ، وسكەمەندەگى ترامۆاي قوزعالىسىنا قايتا جان بىتىرمەك. سونىمەن قاتار، مۇنىڭ الدىندا حابارلاعانىمىزداي، 2017 جىلى الىنعان ترامۆاي رەلستەرى دە اۋكسيوندا ساتىلدى.

«الماتىەلەكتروترانس» باسشىسى ريزۆان سينايەۆتىڭ حابارلاعانىنداي، ەسكى رەلستەر «كازفەرروستال» ج ش س 8 214 573 تەڭگەگە وتكىزىلدى، «مەتاللوكومپلەكت» ج ش س قارا مەتالعا 115 676 418 تەڭگەگە وتكىزىلدى. قازىرگى تاڭدا الماتىدا ماقاتايەۆ، بايتۇرسىنوۆ، جاروكوۆ كوشەلەرىندە ترامۆاي رەلستەرى الىنىپ جاتىر.