ەلباسىنىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا «جاسىل» تەحنولوگيالارعا ينۆەستيسيا سالۋ ءۇشىن بيزنەستى ىنتالاندىرۋ ماڭىزدى دەگەن بولاتىن. وڭىرلەردىڭ اكىمدەرى شاعىن جانە ورتا بيزنەس سۋبەكتىلەرىن كەڭىنەن تارتىپ، تۇرمىستىق قاتتى قالدىقتاردى زامان تالابىنا ساي ۋتيليزاسيالاۋ جانە قايتا وڭدەۋ ءۇشىن شارالار قابىلداۋ كەرەك» دەگەن بولاتىن.

سوڭعى جىلدارى وڭىرىمىزدە توزىعى جەتكەن كولىكتەردى قابىلدايتىن پۋنكتتىڭ، تۇرمىستىق قاتتى قالدىقتاردى وڭدەۋ ورىندارىنىڭ اشىلۋى، پلاستيك شىنىلارىن كادەگە جاراتۋدى قولعا الۋ – سونىڭ ايعاعى. اعىمداعى جىلى وڭىرىمىزدەگى «كاما-ورتالىعى» ج ش س ەسكىرگەن اۆتوكولىك دوڭعالاقتارىن تەرەڭ وڭدەۋدەن وتكىزىپ، ۇنتاقتاپ، كادەگە جاراتاتىن زاۋىتتى ىسكە قوستى. ىسكە قوسىلعان زاۋىت وڭىردەگى ەكونوميكالىق ءارى ەكولوگيالىق تۇرعىدان ءتيىمدى يننوۆاسيالىق جوبالاردىڭ ءبىرى بولىپ سانالادى.

جاڭا زاۋىت يەلەرى قايتالاما شيكىزاتتان دايىن ءونىم شىعارۋمەن قاتار، جول جوندەۋ جانە قۇرىلىستىڭ باسقا دا سالالارىنا ارنالعان رەزەڭكە ۇنتاق ءوندىرۋدى جوسپارلاپ وتىر. اتالمىش زاۋىت «اۆتوكومبينات» جشس-نىڭ ءوندىرىس عيماراتتارىن قايتا جاڭعىرتۋ جانە زاماناۋي قۇرىلعىمەن جابدىقتاۋ ناتيجەسىندە ىسكە قوسىلعان. پايدالانىلعان كونە دوڭعالاقتاردى قايتا وڭدەۋدەن كەيىنگى ءونىمنىڭ قولدانىلۋ سالاسى دا ءار ءتۇرلى. توزىعى جەتكەن شينالار زاۋىتتا وڭدەۋدىڭ بىرنەشە كەزەڭىنەن ءوتىپ، كەيىن ۇنتاققا اينالادى. وندىرىلگەن رەزەڭكە ۇنتاعىنان بالالار الاڭ- قايى نەمەسە سپورت الاڭىنا جامىلعى رەتىندە قولدانىلاتىن تاپتىرماس ماتەريالدار جاسالادى. بۇل ءونىم جاراقاتتانۋدان ساقتاي- دى، توزبايدى، 80 گرادۋس ىستىق پەن سۋىققا توتەپ بەرەدى. ال توسەنىشتەردىڭ پايدالانىلۋ مەرزىمى ون جىلدى قۇرايدى. سونداي- اق مۇنداي رەزەڭكە جامىلعىلار تەننيس كورتتارىنا، جۇگىرۋ لاقتارىنا، مەديسينا جانە بالالار مەكەمەلەرىنىڭ ەدەندەرىنە توسەۋگە وتە ىڭعايلى بولماق.