الماتى قالاسىنداعى ەلەكتر ەنەرگياسىنىڭ تاريفتەرى ەكى ەسەگە ازايعان.

بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى بولات قۋانىشبەك ۇلى ايتتى. 

ونىڭ سوزىنە سۇيەنسەك، الماتى قالاسىندا 2018 جىلدىڭ 1 ناۋرىزىنان باستاپ تاۋلىك زونالارىنا ديففەرەنسيرلەنگەن تاريفتەردىڭ كۇشىن جويعانى بارلىعىنا ءمالىم. 

نەگىزگى سەبەپتەردىڭ ءبىرى تۇتىنۋشىلاردىڭ باسىم بولىگى ءىس جۇزىندە ءتاريفى ەڭ تومەنگى (8،38 تگ.) تۇڭگى تۇتىنۋعا كوشۋگە مۇمكىندىگى جوق (بيزنەستىڭ باسىم بولىگى، ءونىدىرىس كاسىپورىندارى، قىزمەت كورسەتۋ سالاسى، تۇرمىس قىزمەتتەرى، دۇكەندەر، اسحانالار، كينوتەاترلار، مەتروپوليتەن، ءبىلىم جانە مەديسينا ۇيىمدارى، بيۋدجەت ۇيىمدارى، كوپ قاباتتى ۇيلەر جانە ت.ب.) 

وسىعان بايلانىستى، تۇتىنۋشىلارعا ەڭ جوعارعى ديففەرەنسيرلەنگەن تاريفتەردىڭ كەشكى ۋاقىتتاعى تاريفىمەن 28،65 تگ. جۇمىس ىستەۋگە تۋرا كەلدى. 

جوعارىدا باياندالعاننىڭ نەگىزىندە، 2017 جىلى ق ر ەنەرگەتيكا مينيسترلىگىمەن «ەلەكتر ەنەرگەتيكاسى تۋرالى» قازاقستان رەسپۋبليكاسى زاڭىنا  تاۋلىك زونالارى بويىنشا ديففەرەنسيرلەنگەن تاريفتەردىڭ كۇشى تۋرالى سايكەس زاڭناماعا وزگەرىستەر ەنگىزىلدى،-دەدى ول. 

ءبىزدىڭ تالداۋىمىز كورسەتكەندەي، تاۋلىك زونالارى بويىنشا ديففەرەنسيرلەنگەن تاريفتەردى الىپ تاستاۋ اسەرىنەن ەلەكتر ەنەرگياسىنىڭ تاريفتەرىنىڭ دەڭگەيى ەكى ەسەگە ازايۋىنىڭ (ورتاشا تاريف 16،36تگ) ناتيجەسىندە، كاسىپكەرلەردىڭ باسىم بولىگىنە وڭتايلى اسەرىن تيگىزەدى. 

ءوز كەزەگىندە، تاۋلىك زونالارى بويىنشا ديففەرەنسيرلەنگەن تاريفتەردى الىپ تاستاۋ حالىقتىڭ باسىم بولىگىنە اسەرىن تيگىزبەدى. سەبەبى، جەكە تۇلعالارعا تۇتىنۋ كولەمى بويىنشا ديففەرەنسيرلەنگەن تاريفتەر وزگەرىسسىز قالدى، - دەپ باياندادى دەپارتامەنت باسشىسى بولات سامبەتوۆ.