باتىس قازاقستان وبلىسىنىڭ اكىمى التاي كولگىنوۆ تەرەكتى اۋدانىندا جاڭعىرتۋدان كەيىن ىسكە قوسىلعان «تەرەكتى ماي كومبيناتى» جشس-ىندا بولىپ، وسىمدىك مايىن وندىرەتىن كاسىپورىننىڭ تىنىس-تىرشىلىگىمەن تانىستى.

تەرەكتى اۋدانىنىڭ پويما اۋىلىنداعى  كۇنباعىس مايىن وندىرەتىن كاسىپ­ورىننىڭ ىرگەتاسى العاش 2009 جىلى قالانعان بولاتىن. اتالعان كاسىپورىندى ونىڭ بۇرىنعى يەلەرى ابدەن تۇرالاتىپ، تيتىقتاتىپ تىنعانى بەلگىلى. 2014 جىلى جاڭا ينۆەستور تابىلىپ، كاسىپورىننىڭ ميللياردتاعان قارىزىن وتەۋ جانە ءوندىرىستى تەحنيكالىق جاڭعىرتۋ جۇمىستارى قولعا الىنا باستاعان ەدى. زاۋىتقا ەكىنشى تىنىس سىيلاعان ينۆەستور «بەلەساگرو» كومپا-

نيالار توبىنىڭ جەتەكشىسى مۇرات جاكىبايەۆتىڭ ايتۋىنشا، جوبانىڭ جالپى قۇنى 2 ملرد. 300 ملن. تەڭگە، ال جاڭعىرتۋ جۇمىستارىنا 1 ملرد. 200 ملن. تەڭگە قارجى جۇمسالعان.

– جاڭادان ورناتىلعان ەۋروپالىق قۇرال-جابدىقتار مەن زاماناۋي تەحنولوگيا ءوندىرىس كولەمىن ەكى ەسەگە ارتتىرۋعا مۇمكىندىك بەرەدى. بۇرىن جىلىنا 20 مىڭ توننا شيكىزات وندىرىلسە، ءقازىر 45مىڭ توننانى قۇرايدى. زاۋىتتا بۇرىن مايلى داقىلداردان تەك 30 پايىز عانا ماي الىناتىن. جاڭا جەلىلەر 44 پايىزعا دەيىن ماي الۋعا مۇمكىندىك بەرەدى.  بۇرىنعى ءتورت وندىرىستىك سەح جەلىسى جاڭا ءتورت سەحپەن تولىقتى. ونىڭ ىشىندە شيكىزاتتى دايىندايتىن،  ءداندى سىعىمداپ تازارتاتىن، ەكستراكسيالايتىن (زاماناۋي جەلىلەر بار. دانىنەن اجىراتىلعان كۇنباعىس قابىعىن جاعىپ، ودان بۋ وندىرەمىز. ياعني، مايلى داقىلدان ماي الۋ بارىسىندا گاز نەمەسە كومىر وتىنى قولدانىلمايدى. ءقازىر الىپ بۋ قازاندىعى قۋاتىنىڭ تەك وتىز پايىزىن عانا قولدانىپ وتىرمىز. بولاشاقتا بۋ قورىن جىلىجاي شارۋاشىلىعى

مەن قۇراما جەم دايىنداۋدا پايدالانۋعا بولادى، – دەيدى مۇرات ورىنباي ۇلى. وبلىس اكىمى زاۋىتتىڭ جاڭادان ىسكە قوسىلعان وندىرىستىك سەحتارىندا بولىپ، مايدى تىعىزداۋ، تازارتۋ جانە قۇيۋ جەلىلەرىنىڭ جۇمىسىمەن تانىستى. كاسىپورىن باسشىسىمەن، تەحنولوگ ماماندارمەن، جۇمىسشىلارمەن پىكىرلەسىپ، مامانداردى دايىنداۋ، قىزمەتكەرلەردىڭ بىلىكتىلىگىن ارتتىرۋ، جالاقىنىڭ ۋاقتىلى تولەنۋى جانە شيكىزات الۋدا جەرگىلىكتى تاۋار وندىرۋشىلەرگە باسىمدىق بەرۋ ماسەلەلەرىن تالقىلادى.

– زاۋىتتى ءوز كوزىمىزبەن كورىپ، تانىستىق. مەملەكەتتىڭ قامقورلىعىمەن ەكى جىل بويى قىرۋار جۇمىستار اتقارىلدى. جاڭا تەحنولوگيالار تارتىلىپ، كوپ قاراجات قۇيىلدى. جاڭا جۇمىس ورىندارىن اشۋ، وزىمىزگە قاجەت ءونىمدى شىعارۋ، وعان قوسا ەكسپورتقا جونەلتۋ كەزەك كۇتتىرمەيتىن ماڭىزدى ماسەلەلەر. الداعى ۋاقىتتا كاسىپورىن جۇيەلى جۇمىس جاسايدى دەگەن سەنىمىمىز مول. ءبىزدىڭ شارۋا قوجالىقتارىمىز ەككەن ءونىمىنىڭ ءبارىن وسى جەرگە الىپ كەلەدى. جۇمىستارىڭىزعا ساتتىلىك تىلەيمىن، – دەدى زاۋىت ۇجىمىمەن كەزدەسكەن وبلىس اكىمى التاي سەيدىر ۇلى.

قازىرگى تاڭدا زاۋىتتا 105 ادام تۇراقتى جۇمىسپەن قامتىلعان، باسىم بولىگى تەرەكتى اۋدانىنىڭ اقسۋات، پويما اۋىلدارىنىڭ تۇرعىندارى.