ريددەر اكىمىنىڭ ورىنباسارى 19 جاستاعى جىگىتتى قاعىپ ولتىرگەن كەزدە كولىك سالونىندا وسكەمەن اكىمى دە بولعانى انىقتالدى دەپ جازادى Qamshy.kz اقپارات اگەنتتىگى.  

ايتا كەتسەك، جول اپاتى كەزىندە رولدە ريددەر اكىمىنىڭ ورىنباسارى بولعان.

«جول اپاتى كەزىندە كولىك ىشىندە قۇرمانبايەۆپەن بىرگە وسكەمەن اكىمى تۇمابايەۆ تا بولعانى بەلگىلى بولدى»، دەپ جازادى شقو پروكۋراتۋراسىنىڭ باسپا ءسوز قىزمەتى.

قاداعالاۋ ۆەدومستۆوسىنان حابارلاۋى بويىنشا، 19 ساۋىردە ريددەر قالاسىنىڭ پروكۋراتۋراسىنا قايتىس بولعان جىگىتتىڭ اكەسى ارىزدانىپ، اپاتقا كىنالى جۇرگىزۋشىنى ۇستاۋعا ۋاقتىلى شارا قابىلداماعانى ءۇشىن ءىىب قىزمەتكەرلەرىن جاۋاپقا تارتۋدى سۇراعان. 

ءبىراق ءدال سول كۇنى قالالىق پروكۋراتۋراعا قازا تاپقان جىگىتتىڭ اكەسىنىڭ دوسى ريددەر ءىىب كريمينالدى پوليسيا ءبولىمىنىڭ باستىعى قىسىم كورسەتىپ جاتقانىن ايتىپ شاعىمدانعان. بولاتىن.  

«اتالعان فاكتىلەرگە قاتىستى وبلىستىق ءىىد وزىندىك قاۋىپسىزدىك باسقارماسى قك 370-بابى (قىزمەتتەگi ارەكەتسiزدiك) جانە 362-بابى 4-تارماعى (كۇش قولدانىپ، لاۋازىمدىق وكiلەتتiكتەردى اسىرا پايدالانۋ) بويىنشا سوتقا دەيىنگى تەرگەۋ جۇرگىزىپ جاتىر»، — دەلىنگەن شقو پروكۋراتۋراسى باسپا ءسوز قىزمەتىنىڭ رەسمي حابارلاماسىندا. 

ءقازىر قىلمىستىق ىستەردى تەرگەۋ قاداعالاۋ ۆەدومستۆوسىنىڭ باقىلاۋىندا.

قازىرگى تاڭدا باۋىرجان قۇرمانبايەۆ ۋاقىتشا ۇستاۋ يزولياتورىندا جاتىر. وسكەمەن اكىمدىگى ازىرگە اتالعان جاعدايعا قاتىستى تۇسىنىكتەمە بەرمەدى. كەشە قالالىق اكىمدىك باسپا ءسوز ءماسليحاتىن وتكىزبەك بولعانىمەن باسپا ءسوز ماسليحاتى وتكەن جوق.