«التىن جۇرەك» – سىيلىعىن قازاقستانداعى ەڭ قايىرىمدى ماراپات دەپ اتاۋعا بولادى. وزگەگە مەيىرباندىلىقپەن قاراپ، قول ۇشىن بەرە بىلەتىن اتىمتاي جاندىردى ماراپاتتايتىن سىيلىق 2007 جىلى دۇنيەگە كەلدى. «Baurzhan Foundation»قايىرىمدىلىق قورىنىڭ ۇيىمداسترۋىمەن جاندانعان بۇل جوبا جىل ساناپ ءوز مارتەبەسى مەن دەڭگەيىن جوعالتپاي كەلەدى. وسى جىلدار ىشىندە «التىن جۇرەك» - قايىرىمدىلىقتىڭ نىشانى ىسپەتتەس، قازاق حالقىنىڭ مەيىرىمدى ءارى اتىمتاي جومارت جاندارعا باي ەكەنىن بايقاتىپ كەلەدى. جىل بويى ۇلتتىق سىيلىق ۇيىمداستىرۋشىلارى ەلىمىز بويىنشا قايىرىمدىلىقپەن اينالىساتىن جانداردى ىزدەپ كەلەدى.بيىل جىلداعى ءۇردىستى جالعاستىرىپ «التىن جۇرەك» سىيلىعى ءوزىنىڭ12ء-شى جىلعى جۇمىسىن باستاماق.    

سىيلىق يەگەرلەرى ىشىندە اتاقتى سپورتشى جاقسىلىق ۇشكەمپىروۆ، قوعام قايراتكەرى ارۋجان ساين، «كلۋب دوبرياكوۆ» ەرىكتىلەر قوزعالىسىنىڭ نەگىزىن قالاۋشى گۋلميرا ابدراشيەۆا،  قازاقستان رەسپۋبليكاسىنا ەڭبەك سىڭىرگەن جاتتىرىقتىرۋشىسى  داۋلەت تۋرلىحانوۆ، مەسەنات كاسىپكەر سەرگەي سپيسىن، باۋىرجان وسپانوۆ،  ءبىرجان كۋجاكوۆ،  "الماتى مارافون" جانە باسقالار اتاندى.

كوپتەگەن جىلدار بويى جۇرەگى التىن جانداردى ىزدەۋمەن اينالىسىپ كەلە جاتقان سىيلىق ۇيىمداستىراۋشىلارى«Baurzhan Foundation» قورى «لايىقتى جانداردى ماراپاتتاۋ كەرەك – ولار وزگەلەرگە ۇلگى بولا الادى» - دەيدى. سول سەبەپتى 12 جىل «التىن جۇرەك» ۇمىتكەرلەردى تىركەۋدى ۋاقىتىنان ەرتەرەك باستاماق، سونىمەن قاتار جاڭا 12ء-شى نوميناسيانى جاريالاماق.  

وسىعان بايلانىستى 18 ءساۋىر كۇنى ساعات 11.00-دە ءحىى قوعامدىق ۇلتتىق «التىن جۇرەك» سىيلىعىنىڭ باستالۋىنا ارنالعان پرەسس-كونفەرەنسيا ءوتتى.

ەلىمىزدەگى ەرەكشە سىيلىق «التىن جۇرەككە» قاتىسۋشىلاردى رەسمي تۇردە تىركەۋ باستالدى. قازاقستاندىقتار ەڭ قايىرىمدى دەگەن جانداردى قىركۇيەكتىڭ ورتاسىنا دەيىن انىقتاي الادى. ايتا كەتەرلىگى، بيىلعى ماراپاتتىڭ بىرنەشە جاڭاشىلدىعى بار. قورشاعان ورتانى قورعاۋعا ۇلەس قوسقان جانعا بەرىلەتىن 12ء-شى  نوميناسيا قوسىلعان. لايىقتى دەگەن جانداردى ماراپاتتاۋ ءۇشىن ۇيىمداستىرۋشىلار، بيىل ۇمىتكەرلەردى تىركەۋدى ەرتە باستاماق. سونداي-اق  قاتىسۋشىلاردى ونلاين رەجيمدە تىركەۋگە بولادى. جەڭىمپازداردىڭ ەسىمى ءداستۇر بويىنشا قازان ايىنىڭ اياعىندا جاريالانادى. فيناليستەردى ىرىكتەۋ 3 كەزەڭمەن جۇرەدى.

«بۇل پرەميانىڭ قاجەتتىلىگى جانە ماڭىزى وتە زور دەپ ەسەپتەيمىن. سەبەبى، قايىرىمدى ىستەردى كورسەتۋ، قانداي دا ءبىر الەۋمەتتىك ماسەلە بولسا نەمەسە شەشىلمەگەن سۇراق بولسا سونى بىرلەسىپ قانا شەشۋگە بولادى. جانە سونداي قايىرىمدى ادامداردى ءبىز كورسەتە ءبىلۋىمىز كەرەك»، - دەدى "التىن جۇرەك" سىيلىعىنىڭ باس ۇيلەستىرۋشىسى ەلميرا قىدىرموللايەۆا.

سپيكەرلەر قاتارىندا: پوليتولوگ، مەملەكەت جانە قوعام قايراتكەرى ايدوس سارىم، "قازاقستاننىڭ ەكولوگيالىق ۇيىمدارىنىڭ قاۋىمداستىعى" زاڭدى تۇلعالار بىرلەستىگىنىڭ باسقارما ءتورايىمىنىڭ ورىنباسارى اسحات سۇلەيمەنوۆ، ەكولوگيا ماسەلەلەرى عىلىمي-زەرتتەۋ ينستيتۋتىنىڭ ديرەكتورى، گەوگرافيا عىلىمدارىنىڭ كانديداتى ايجان سكاكوۆا، «ارداگەرلەرگە كورسەتكەن قۇرمەتى ءۇشىن» نوميناسياسىنىڭ 2017 جىلعى لاۋرەاتى راسيما تەمىربايەۆا، «پەترو كازاحستان» كومپانياسىنىڭ ستراتەگيالىق كوممۋنيكاسيالارى بويىنشا مەنەدجەرى ايناش تلەۋبايەۆا، جوبا ۇيلەستىرۋشىسى ەلميرا كىدىرموللايەۆا بولدى. 

ۇيىمداستىرۋشىلار 2018 جىلعى «التىن جۇرەك» جوباسىنىڭ ەرەكشەلىكتەرى مەن جاڭالىقتارى تۋرالى تالقىلاپ، قايىرىمدىلىق ءىس-شارالارىنا بايلانىستى ستاتيستيكا مەن اقپارات بەردى جانە 18 ساۋىردە باستالىپ 15 قىركۇيەككە دەيىن جالعاساتىن تىركەۋدىڭ باستالۋى تۋرالى رەسمي تۇردە جاريالادى.

جىلسايىنعى «التىن جۇرەك» سىيلىعى «Baurzhan Foundation»  قورىمەن  2007 جىلى مەسەناتتىلىقپەن قايىرىمدىلىقتى دامىتۋ ماقساتىندا دۇنيەگە كەلدى. ءار جىل سايىن قازاقستاننىڭ تۇكپىر-تۇكپىرىنەن www.altynzhurek.kz رەسمي سايتىنا 300-دەن استام وتىنىشتەر كەلىپ تۇسەدى.  12 جىل ىشىندە 124 قايىرىمدى جان «التىن جۇرەك» اتاعىن الدى.  وتىنىشتەردى  قاراستىرۋ ءۇشىن ساراپشىلىق جانە قوعامدىق كەڭەس قۇرىلادى، ونىڭ قۇرامىنا قوعامدىق ۇيىمدار جەتەكشىلىەرى، ق ر قوعام جانە مادەنيەت قايراتكەرلەرى كىرەدى.