الماتىلىق قارتتار كيەلى جەرلەردى ارالاماق. تىپتەن، مەدەۋ اۋدانىنىڭ ءبىر توپ زەينەتكەرلەرى دەمەۋشىلەردىڭ ارقاسىندا شارىن شاتقالىن شارلاپ قايتقان. ال اۋەزوۆ اۋدانىنىڭ اقساقالدارى مەن اق جاۋلىقتى انالارى استانانىڭ 20 جىلدىعىنىڭ قۇرمەتىنە كونسەرت وتكىزبەك. الماتىلىق قارتتار وزدەرىنە ارناپ اشىلاتىن الەۋمەتتىك 40 كلۋبتى تاعاتسىزدانا كۇتىپ ءجۇر. ويتكەنى «بەلسەندى ۇزاق ءومىر» اتتى جول كارتاسىنىڭ جوباسى اياسىندا  اشىلاتىن ورتالىقتار زەينەتكەرلەردى زەرىكتىرمەي، كومەككە ءزارۋ جاندارعا جان-جاقتى قولداۋ كورسەتەدى.

تىل ارداگەرى كۇلبادان اپا الىدە تىڭ. سەكسەنگە جاقىنداپ قالعان قارت انا قاراپ وتىرماي، زامانداستارىنا كومەكتەسەدى. ارداگەرلەر ۇيىمىنىڭ ءبىر بولىمىنە جەتەكشىلىك ەتەتىن زەينەتكەر قۇربىلارىمەن سىرلاسىپ قانا قويماي، ءار قايسىسىنىڭ جاعدايىن ءبىلىپ، مەرەكە، تۋعان كۇندەردە قۇتتىقتاۋ شارالارىن ۇيىمداستىرادى.

«بيمەن اينالىسادى، سپورتمەن اينالىسادى. ءارقايسىسىنىڭ ءوز جۇمىسى بار. مەنزەينەتكەرلەرمەن، تىل ارداگەرلەرىمەن جۇمىس ىستەيمىن. ءان ايتامىز»، - دەدى  تىل ارداگەرى  كۇلبادان قونىسبايەۆا.

قالا كولەمىندە 222 مىڭنان استام زەينەتكەر بولسا، ولاردىڭ 45 مىڭ 500ء-ى اۋەزوۆ اۋدانىندا. قارتتى كوپ اۋداننىڭ قارتتارى دا قاربالاسىپ، وزدەرىنىڭ ءىس-جوسپارلارىن جاساۋدان قولدارى بوسامايدى. ءجۇزۋ، گيمناستيكا، بيليارد  سىندى سپورتتار مىنا ادامدار ءۇشىن تاڭسىق ەمەس. تىگىن، توقىما سىندى جاس كەزدەرىنەن جاندارىنا سەرىك بولعان ينە، ءبىزدى بۇگىنگە دەيىن تاستاماعان.  

«وقتا-تەكتە وسىندا كەلىپ، بيگە بارامىز. بۇلاردىڭ شاقىرعان جەرىنەن قالمايمىز. ءار ۋاقىتتا كەرەكتى جەرىنە بارىپ تۇرامىن. ۋاقىتىمىز جاقسى»، - دەدى ۇوس ارداگەرى جاڭبىر كەرىمقۇلوۆ. 

شەجىرەشى، ۇلگى-ونەگەنىڭ، تالىم-تاربيە،  كورەگەندىك پەن مەيىرىمدىلىكتىڭ مول قازىناسى سانالاتىن اۋدان قارتتارى الداعى ۋاقىتتا تاريحي، كيەلى جەرلەردى ارالاماق. الداعى اپتادا ولار استانانىڭ 20 جىلدىعىنا ارناپ زامانداستارىنا كونسەرت وتكىزەدى.

«مەن بۇنى وتە جاقسى يدەيا، باعدارلاما دەپ سانايمىن. كوپتەگەن قارتتار زەينەتكە شىققان سوڭ، قايدا باراتىندارىن، نە ىستەيتىندەرىن بىلمەي جاتادى. ەگەر ورتالىق اشىلسا، ىشتەرى پىسپاي، دەنساۋلىقتارىدا جاقسى، ويلارى سەرگەك بولار ەدى. كلۋبتار ءاربىر اۋدانعا كەرەك»، - دەدى الماتى قالاسى اۋەزوۆ اۋداندىق ارداگەرلەر كەڭەسىنىڭ ءتورايىمى  ءباتيما ىبىرايەۆا.  

ارداگەرلەر كەڭەسىنە قاراستى قارتتار كلۋبى كوپ بولماسادا جۇمىس ىستەپ تۇرعاندارى بار. مەدەۋ اۋدانىنداعى  «شاراينا» كلۋبىنىڭ مۇشەلەرى شارىن شاتقالىن ارالاپ كەلسە، الداعى كۇندەرى  تاريحي ورىندارعا تاعى بارماق. ال «ءۇمىت» ورتالىعىندا قولونەرشى قارتتار توپتاسقان. 

«بۇلاردىڭ كوپشىلىگى عالىم ادامدار، ۇلكەن قىزمەت ىستەگەن ادامدار. سويلەيتىن، ومىردەن قورىتىندى جاسايتىن ادامدار. مىنا، بالالارعا تاربيە بەرۋ ءۇشىن، انا كورگەن بىلگەندەرىنىڭ ءبارىن ايتىپ بەرۋ ءۇشىن بۇلدا سەبەپكەر بولادى دەپ ۇيىمداستىرىپ جاتىرمىز»، - دەدى الماتى قالاسى مەدەۋ اۋداندىق سوعىس جانە ەڭبەك ارداگەرلەرى كەڭەسىنىڭ ءتوراعاسى  كيم سەرىكبايەۆ.  

الماتى حالقىنىڭ 12 پايىزىن قۇرايتىن قارتتارعا كومەك كورسەتۋ - مەملەكەت باسشىسىنىڭ «بەس الەۋمەتتىك باستاماسى» اياسىندا قولعا الىنادى. جوبانى جۇزەگە اسىرۋ بارىسىندا «بەلسەندى ۇزاق ءومىر» ورتالىعى قۇرىلادى. ءاربىر ورتالىقتا كىتاپحانا، فيتنەس زال،  ەمدىك يوگا، اەروبيكا، شاحمات، توعىزقۇمالاق، دومينو جانە باسقا دا ۇيىرمە زالدار جۇمىس ىستەيدى. تىپتەن، ەرىنبەسە  كومپيۋتەر، ءتىل كۋرستارىن وقيمىن دەگەن زەيىندى زەينەتكەرلەرگە دە مۇمكىندىك  جاسالادى.