ق ر ءدىن ىستەرى جانە ازاماتتىق قوعام ۆيسە-مينيسترى بەرىك ارىن باستاعان قازاقستاندىق دەلەگاسيا بۇۇ شتاب-پاتەرىندە (نيۋ-يورك قالاسى) ۇيىمداستىرىلعان اعىمداعى جىلعى قازاندا استانا قالاسىندا وتكىزىلەتىن الەمدىك جانە ءداستۇرلى دىندەر ليدەرلەرىنىڭ VI سەزىنە ارنالعان «ءقاۋىپسىز الەم ءۇشىن دىندەر ليدەرلەرى» تاقىرىبىنداعى ارريي فورمۋلاسى بويىنشا بۇۇ قاۋىپسىزدىك كەڭەسىنىڭ وتىرىسىنا قاتىستى دەپ جازادى Qamshy.kz اقپارات اگەنتتىگى. 

ءىس-شارا بۇۇ وركەنيەتتەر اليانسىمەن بىرلەسە وتىرىپ قازاقستان رەسپۋبليكاسىنىڭ بىرىككەن ۇلتتار ۇيىمىنىڭ جانىنداعى تۇراقتى وكىلدىگىمەن ۇيىمداستىرىلدى.

بۇۇ وركەنيەتتەر اليانسىنىڭ جوعارى وكىلى ناسير ابدەل ءازيز ان-ناسeردىڭ جانە بۇۇ جانىنداعى قازاقستان رەسپۋبليكاسىنىڭ تۇراقتى وكىلى   قايرات وماروۆتىڭ ءتوراعالىق ەتۋىمەن وتكەن فورۋمعا بۇۇ قاۋىپسىزدىك كەڭەسىنە مۇشە مەملەكەتتەردىڭ، ۇكىمەتتىك ەمەس ۇيىمداردىڭ وكىلدەرى، «دىندەر بەيبىتشىلىك ءۇشىن» دۇنيەجۇزىلىك كونفەرەنسياسىنىڭ باس حاتشىسى ۋيليام ۆەندلي، بۇۇ جانىنداعى ءدىني ۇكىمەتتىك ەمەس ۇيىمدارى كوميتەتىنىڭ پرەزيدەنتى سۆامي پارامەشاناندا، «يست پارك سيناگوگ» ءدىني كوشباسشىسى راۆۆين ارتۋر شنايەر جانە باسقالارى قاتىستى.

اتالمىش وتىرىس بۇۇ وركەنيەتتەر اليانسىنىڭ جوعارى وكىلى ناسير ابدەل ءازيز ان-ناسeءردىڭ بۇۇ باس حاتشىسى انتونيۋ گۋتەرريشتىڭ اتىنان ءىس-شاراعا قاتىسۋشالارعا ارنالعان قۇتتىقتاۋ سوزىمەن اشىلدى.    

ق ر ءدىن ىستەرى جانە ازاماتتىق قوعام ۆيسە-مينيسترى – سەزدىڭ ماقساتتارى مەن مىندەتتەرىن ىلگەرىلەتۋ جونىندەگى ۋاكىلى بەرىك ارىن ق ر پارلامەنتى سەناتىنىڭ ءتوراعاسى، الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى قاسىم-جومارت توقايەۆتىڭ اتىنان پرەزەنتاسيالىق باياندامامەن ءسوز سويلەدى.   

ب. ارىن قاتىسۋشىلاردى قازاقستاننىڭ ەتنوسارالىق جانە كونفەسسياارالىق كەلىسىمدى قامتاماسىز ەتۋدەگى تاجىريبەسىمەن تانىستىرا وتىرىپ، بۇۇ جانە باسقا دا حالىقارالىق ۇيىمداردىڭ ميسسياسىمەن جانە باسىمدىقتارىمەن ۇندەسكەن الەمدىك جانە ءداستۇرلى دىندەر ليدەرلەرىنىڭ سەزىن شاقىرۋ بويىنشا پرەزيدەنت ن.ءا.نازاربايەۆتىڭ جاھاندىق باستاماسى تۋرالى تولىق ايتىپ بەردى.

اتاپ ايتقاندا، ۆيسە-مينيستر ءوزىنىڭ 15 جىلدىق تاريحىندا سەزد  ءارقاشان كۇردەلى جاھاندىق پروسەسستەردىڭ شىڭىندا وتكىزىلگەنىنە نازار اۋداردى. بۇگىنگى جاعدايدا حالىقارالىق قاتىناستارعا دەگەن سەنىمدىلىكتىڭ  تاپشىلىعى، جاڭا سىن-تەگەۋرىندەر مەن مەن قاۋىپ-قاتەرلەردىڭ، جەرگىلىكتى سوعىستار مەن الەمنىڭ بىرنەشە وڭىرلەرىندەگى راديكالدى قوزعالىستاردى جانداندىرۋدىڭ پايدا بولۋىنا بايلانىستى جانە الەمدەگى قاۋىپسىزدىك پەن تۇراقتىلىقتى قامتامسىز ەتۋ جولىندا ءدىني ليدەرلەر مەن الەمدىك ساياساتكەرلەردىڭ كۇش-جىگەرىن بىرىكتىرۋ قاجەتتىگى بويىنشا ماسەلە وتە وزەكتى ەكەندىگى تۋرالى ايتىلدى.

وسىعان بايلانىستى بۇۇ مۇشە-مەملەكەتتەر جانە حالىقارالىق ۇيىمدار تاراپىنان جاھاندىق دەڭگەيدە ءدىنارالىق ديالوگتى ىلگەرىلەتۋ ىسىنە كۇش-جىگەر ۇلەسىن قوسۋعا مۇمكىندىك بەرەتىن اتالعان فورۋمنىڭ جۇمىسىنا بەلسەندى قاتىسۋلارى ارقىلى مەملەكەت باسشىسىمىزدىڭ  باستاماسىن كەڭىنەن قولداۋعا ءۇمىت ارتاتىنىن ءبىلدىردى.

جالپى، ءىس-شاراعا قاتىسۋشىلار قازاقستاننىڭ بەلسەندى سىرتقى ساياساتىن جوعارى باعالاپ، كۇن تارتىبىندەگى جاھاندىق وزەكتى ماسەلەلەردى تالقىلادى، ونىڭ ىشىندە الەمدىك جانە ءداستۇرلى دىندەر ليدەرلەرىنىڭ الداعى VI سەزىنىڭ مازمۇندىق بولىگى بويىنشا قۇندى كەڭەستەر مەن ۇسىنىستار بەرىلدى. سونداي-اق، قاتىسۋشىلار ءدىنارالىق ديالوگتى ىلگەرىلەتۋ بويىنشا دا ءوز ەلدەرىنىڭ تاجىريبەسىمەن جانە ءدىني ەكسترەميزم مەن تەرروريزم پروبلەمالارىن شەشۋ، بەيبىت جانە تۇراقتى قوعام قۇرۋ جونىندەگى وزدەرىنىڭ كوزقاراستارىمەن ءبولىستى.

«ارريي فورمۋلاسى» بويىنشا وتىرىستار بەيرەسمي تۇردە وتكىزىلەدى. ولار بۇۇ قك مۇشەلەرىنە يكەمدى راسىمدەر نەگىزىن پايدالانا وتىرىپ، اشىق تۇردە پىكىر الماسۋعا مۇمكىندىك بەرەدى. وتىرىستىڭ وسىنداي فورماتى ۆەنەسۋەلا ەلشىسى ديەگو ءاررييدىڭ قۇرمەتىنە اتالعان، ول بۇل پراكتيكانى 1992 جىلى بۇۇ قاۋىپسىزدىك كەڭەسىندە ۆەنسۋەلا وكىلى رەتىندە قولدانعان بولاتىن (1992–1993 جىلدارى).

سونىمەن قاتار، ءىسساپار شەڭبەرىندە ۆيسە-مينيستر ب.ارىننىڭ  «دىندەر بەيبىتشىلىك ءۇشىن» دۇنيەجۇزىلىك كونفەرەنسياسىنىڭ باس حاتشىسى ۋيليام ۆەندليمەن جانە بۇۇ وركەنيەتتەر اليانسىنىڭ جوعارى وكىلى ناسير ابدەل ءازيز ان-ناسeرمەن ەكىجاقتى كەزدەسۋلەرى وتكىزىلدى.

كەزدەسۋلەردە ب.ارىن سەزد حاتشىلىعىنىڭ باسشىسى، ق ر پارلامەنتى سەناتىنىڭ ءتوراعاسى ق.توقايەۆتىڭ اتىنان VI سەزگە قاتىسۋ ءۇشىن شاقىرۋ حاتتارىن تابىستاپ، سۇحباتتاستاردى الداعى فورۋمنىڭ كۇن تارتىبىمەن تانىستىردى، سونداي-اق قازاقستاننىڭ  «دىندەر بەيبىتشىلىك ءۇشىن» ۇيىمىمەن جانە وركەنيەتتەر اليانسىمەن ىنتىماقتاستىعىن دامىتۋ ماسەلەلەرىن تالقىلادى.

ۋ. ۆەندلي جانە ن. ان-ناسەر شاقىرۋدى ريزاشىلىقپەن قابىلداپ، سەزد جۇمىسىنا وزدەرىنىڭ قاتىساتىندىقتارىن جەتكىزدى.