الماتىدا اتاقتى سكريپكاشى ايمان مۇساقوجايەۆا كونسەرت وتكىزۋدە.

الماتىدا ەلوردانىڭ 20 جىلدىعى، ەلباسىنىڭ باستاۋىمەن قولعا الىنعان «رۋحاني جاڭعىرۋ» باعدارلاماسى اياسىندا اتاقتى سكريپكاشى ايمان مۇساقوجايەۆا كونسەرت وتكىزىپ جاتىر. كلاسسيكالىق كەشتى تىڭدارمانداردىڭ قۇلاق قۇرىشىن قاندىرىپ جۇرگەن اسا دارىندى ديريجەر ميحايل يۋروۆسكيي سۇيەمەلدەيدى. ال «سوليستەر اكادەمياسى» مەملەكەتتىك وركەسترى شەتەل كلاسسيكاسىنىڭ ۇزدىك شىعارمالارىن تىڭدارمان نازارىنا ۇسىنۋدا. تالانتتى مۋزىكانتتاردىڭ كەشىنە ارىپتەسىم جادىرا ومارجان دا بارعان ەدى. ول ءقازىر ستۋديامەن تىكەلەي بايلانىسقا شىعۋعا دايىن تۇر. جادىرا، ەلىمىزدىڭ جۇرەگى -استانا كۇنىنە ورايلاستىرىلعان كەشتىڭ ەرەكشە وتەرى حاق. ال الماتىلىقتاردىڭ كلاسسيكالىق مۋزىكاعا قىزىعۋشىلىعى قالاي؟

الماتى - قاشاندا ەلىمىزدىڭ رۋحاني ورداسى، ءبىلىم مەن عىلىم، مادەنيەت پەن سپورتتىڭ ورتالىعى. بۇگىن اسەم شاھاردىڭ اباي اتىنداعى مەملەكەتتىك اكادەميالىق وپەرا جانە بالەت تەاترىندا اتاقتى سكريپكاشى ايمان مۇساقوجايەۆانىڭ كەشى ءوتىپ جاتىر. وسىدان بىرنەشە مينۋت بۇرىن باستالعان كونسەرتتە كلاسسيكالىق مۋزىكا مايتالماندارىنىڭ شىعارمالارى ورىندالادى. ونىڭ قاتارىندا، ريحارد ۆاگنەر، سەرگەي پروكوفيەۆ جانە فرانس شۋبەرتتىڭ تۋىندىلارى بار. شەتەل كلاسسيكاسىنىڭ ۇزدىك جاۋھارلارىن مىڭداعان xالىققا سكريپكانىڭ اۋەزدى انىمەن ەلىمىزدىڭ xالىق ءارتىسى ايمان مۇساقوجايەۆا جەتكىزەدى. سونداي-اق كيەلى ساxنانىڭ تورىنە تىڭدارمانداردىڭ ىستىق ىقىلاسىنا بولەنىپ جۇرگەن، قازاقستانعا العاش رەت ات باسىن بۇرعان ديريجەر ميxايل يۋروۆسكيي سۇيەمەلدەيدى. ال «سوليستەر اكادەمياسى» ۇزدىك كلاسسيكالىق شىعارمالارىن تىڭدارمان نازارىنا ۇسىنادى.

«جاستاردىڭ سيمفونيالىق كونسەرتكە، كلاسسيكالىق كونسەرتكە دراما تەاترعا بارۋىنا ىقپالداسۋىمىز كەرەك. ولاردىڭ رۋحاني جاعىنان، الەمدىك مادەنيەتكە كوزقاراسىن قالىپتاستىرۋ، بۇل ءبىزدىڭ ۇلكەن ماقساتىمىز»، - دەدى قازاقستان رەسپۋبليكاسىنىڭ حالىق ءارتىسى ايمان مۇساقوجايەۆا.

ايتا كەتەيىن، كوپتەگەن xالىقارالىق كونكۋرستاردىڭ لاۋرەاتى ايمان مۇساقوجايەۆا 1992 جىلدان بەرى «سوليستەر اكادەمياسىنىڭ» كوركەمدىك جەتەكشىسى بولىپ ەڭبەك ەتىپ كەلەدى. ال «رۋxاني جاڭعىرۋ» باعدارلاماسى اياسىندا ۇجىم سۇندەت بايعوجين، ديماش قۇدايبەرگەن سىندى جاس ونەر يەلەرىمەن بىرگە ەلىمىز بويىنشا تۋرنە وتكىزۋدى جوسپارلاپ وتىر. سونداي-اق قازان ايىندا اقش-تا قازاق xالقىنىڭ باي مادەنيەتىن ناسيxاتتايتىن xالىق جانە كلاسسيكالىق اۋەندەرىن ورىنداماق.