الماتىدا كاسىپكەرلەردىڭ بىلىكتىلىگىن ارتتىرۋعا باعىتتالعان سەمينار ۇيىمداستىرىلۋدا.

الماتىدا 100-گە جۋىق كاسىپكەرگە بىلىكتىلىگىن ارتتىرۋ ماقساتىندا ارنايى سەمينار ۇيىمداستىرىلۋدا. بيزنەسمەندەرگە ءدارىستى تەحنيكالىق رەتتەۋ جانە مەترولوگيا سالاسىنىڭ ۇزدىك اۋديتورلارى مەن ساراپشىلارى وقيتىن بولادى. ءتىپتى، بەلارۋس ەلىنەن ارنايى مامان شاقىرتىلعان. 3 ساۋىردە باستالعان شارا ەرتەڭ دە جالعاسىن تابادى. قاتىسۋشىلاردىڭ اراسىندا تاماق ءوندىرىسى، ماشينا جاساۋ جانە قۇرىلىس سالاسى مەن باسقا دا كاسىپورىن قىزمەتكەرلەرى بار.

«سەميناردا مەنەدجمەنت جۇيەسىن ينتەگراسيالاۋ، دامىتۋ جانە پايدالانۋ تاسىلدەرى، باسقارۋ جۇيەلەرىنىڭ ءاۋديتى بويىنشا نۇسقاۋلىق ءدارىس وقيمىن. ودان بولەك، ءوز ەلىمنىڭ تاجىريبەسىمەن ءبولىسىپ، تۋىندايتىن ماسەلە تۇرعىسىندا اڭگىمە قوزعالادى»، - دەدى بەلارۋس مەملەكەتتىك ستاندارتتاۋ جانە سەرتيفيكاتتاۋ ينستيتۋتىنىڭ ساراپشى-اۋديتورى ولەگ ششەرباچ.

«ساراپشى اۋديتور ششەرباچتىڭ بايانداماسى بىزگە وتە جوعارى پايدالى. نەگە دەسەڭىز، ءبىز ەندى ءبىر كەدەندىك وداقتا بولعاندىقتان ءبىز ءقازىر رەسەي فەدەراسياسىمەن جۇمىس ىستەپ جاتىرمىز. سولاردىڭ تالاپتارىنا سايكەس كوپتەگەن جۇمىستاردىڭ باسىن اشىپ الدىق دەۋگە بولادى»، - دەدى «كيروۆ اتىنداعى ماشينا قۇراستىرۋ زاۋىتى» اق زەرتحانا ورتالىعىنىڭ باسشىسى روزا رگىزبايەۆا