الماتىدا باسكەتبولدان ستۋدەنتتەر ۇلتتىق ليگاسىنىڭ ءبىرىنشى ماۋسىمى اياقتالدى. ول 2017ء-شى جىلدىن كۇز ايىنان باستاپ وتكىزىلگەن بولاتىن.
بۇگىن الماتىنىڭ «دوستىق» سپورت كەشەنىندە وتكەن فينالدىق ويىنداردىنىڭ ناتيجەسى بويىنشا قىزدار كوماندالارى اراسىندا ليگانىڭ جەڭىمپازى بولىپ قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتتەرى اتاندى. ولار Squirels KazNU ۇجىمىن 57:53 ەسەبىمەن ۇتتى. ال، ءۇشىنشى ورىندى پاۆلودارلىق پمپۋ يەلەندى.
ۇلدار اراسىندا ح.دوسمۋحامەدوۆ اتىنداعى اتىراۋ مەملەكەتتىك ۋنيۆەرسيتەت كومانداسى چەمپيون اتاندى. ولار تارتىستى وتكەن كەزدەسۋدە الماتىلىق «IT Legions» كلۋبىن جەڭدى - 63:58. قولا جۇلدەنى ءال-فارابي اتىنداعى كازۇۋ ستۋدەنتتەرى يەلەندى.
جەڭىمپازدار مەن جۇلدەرگرلەر مەدال، كۋبوك جانە اقشالاي سىيلىقتارمەن ماراپاتتالدى. ءبىرىنشى ورىن 1 ملن. تەڭگە، ەكىنشى ورىن 750 مىڭ تەڭگە، ءۇشىنشى ورىن 500 مىڭ تەڭگە. (قىزدار) جانە ۇلدارعا ءار ورىنعا 500 مىڭ تەڭگەدەن.
- بۇل ليگا وتە كەرەمەت. ەلىمىزدە بۇنداي باستاما بولماعالى كوپ بولدى. بۇگىن فينال وتە تارتىستى، ءارى قيىن بولدى. قارسىلاستارىمىزدىڭ دايىندىعى كۇشتى. ءبىراق ءبىزدىڭ جىگىتتەر جارادى. ولارعا العىسىم شەكسىز. ەندى الدا ماسكەۋدە ويىندار كۇتىپ تۇر. بارىمىزدى سالىپ، ەلىمىزدىڭ ءۇمىتىن اقتاۋعا تىرىسامىز، - دەپ ءوز ويىمەن ح.دوسمۋحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ باپكەرى رۇستەم تولەۋوۆ ءبولىستى.
ايتا كەتۋ كەرەك، بۇل فينالدىق ويىندار 21-24ء-شى ءساۋىر ارالىعىندا توپتىق كەزەڭنەن باستالعان بولاتىن. 24 كوماندا قاتىسىپ ءوز توبىندا ۇزدىك بولىپ، ۇجىمدار (16 ۇلدار جانە 8 قىزدار) جۇلدەلى ورىنداردا ب ا ق سىناستى.
وسى ليگانىڭ باسشىسى ميراس بۋركاشيەۆتىڭ ايتىۋنشا وسى ليگاعا قاتىسۋعا نيەت بىلدىرگەن كوماندالار سانى وتە كوپ. كەلەسى ماۋسىمدا ولاردىڭ سانى تاعىدا ءوسۋى مۇمكىن. تەك ول جوو-نىڭ ينفروقۇرىلىمدارىنا بايلانىستى. ونىڭ ايتۋىنشا كەلەسى ماۋسىم قازاننىڭ باسىنان باستالىپ، ءساۋىردىڭ سوڭىنا دەيىن جالعاسادى. ءبىراق فينالدىق كەزدەسۋلەر ەندى الماتىدا ەمەس، باسقا قالادا وتكىزىلەدى.
ءتۋرنيردىڭ شەشۋشى كەزەڭىنىڭ ۇزدىك ويىنشىلارى، ياعني ح.دوسمۋحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ ويىنشىلارىISBC حالىقارالىق كۋبوگىنا قاتىسادى. ق ر ۇلتتىق باسكەتبول فەدەراسياسى ستۋدەنتتىك قاۋىمداستىعىنان قازاقستان قۇراما كومانداسىنىڭ حالىقارالىق ستۋدەنتتىك كۋبوگىنا شاقىرۋىن قابىل الدى. باسكەتبول دوداسى مامىردىڭ 17ء-ى مەن 24ء-ى كۇندەرى رەسەي استاناسى ماسكەۋ قالاسىندا وتەدى.
