V حالىقارالىق فارابي وقۋلارىنىڭ اياسىندا قازۇۋ-دا اۋقىمدى ءىس-شارا وتكىزىلدى.

اتالعان شارا بارىسىندا قازۇۋ عالىمدارىنىڭ عىلىمي-زەرتتەۋ جۇمىستارى تۋرالى ايتىلدى.

جۇمىس ناتيجەلەرىن قورىتىندىلاي كەلە، «Web of Science» جانە «Scopus» دەرەكقورلارىندا يندەكستەلەتىن حالىقارالىق باسىلىمدارداعى جاريالانىمدار سانى جىلدان جىلعا ءوسىپ كەلە جاتقاندىعى اتاپ ءوتىلدى. بۇل ەڭ الدىمەن عىلىمي زەرتتەۋلەر ساپاسىنىڭ ارتۋى مەن الەمنىڭ الدىڭعى قاتارلى ۋنيۆەرسيتەتتەرى مەن عىلىمي-زەرتتەۋ ورتالىقتارىمەن ىڭتىقماستىقتىڭ ارقاسى.

مىسالى، حالىقارالىق زەرتتەۋ توپتارىندا جۇمىس ىستەگەن قازۇۋ عالىمدارى ك.كۋراتوۆ پەن ۆ. زايبەرتتىڭ ەكى ماقالاسى «Nature» جانە «Science» اتتى ەڭ جوعارى يمپاكت-فاكتور كورسەتكىشتەرىنە يە بەدەلدى عىلىمي جۋرنالدارىندا باسىلىپ شىقتى. ايتا كەتۋ كەرەك، جوعارى رەيتينگىلىك باسىلىمدارداعى ءاربىر بەسىنشى قازاقستاندىق ماقالا - قازۇۋ عالىمدارىنىڭ ۇلەسى.

حيميا جانە حيميالىق تەحنولوگيا فاكۋلتەتىنىڭ پروفەسسورى گ.مۋن ينتەرپوليمەر كەشەندەرى عىلىمىنداعى تانىلعان كوشباسشى بولىپ تابىلادى. عىلىمي الەمدەگى بەدەلدى «Web of Science» اگەنتتىگىنىڭ مالىمەتى بويىنشا اتالمىش عالىم جانە ونىڭ شاكىرتى ۆ. حۋتوريانسكيي وسى عىلىمي باعىت بويىنشا عالىمداردىڭ الەمدىك رەيتينگىسىندە ءبىرىنشى ورىنعا يە.

ءال-فارابي اتىنداعى قازۇۋ عالىمدارى الەمدەگى ۇقساستىعى جوق يننوۆاسيالىق تەحنولوگيالاردى دامىتۋدا. وسىلايشا، رەكتور، اكادەميك ع.مۇتانوۆ باسقارعان عالىمدار توبى بەريلليي الۋدىڭ يننوۆاسيالىق تەحنولوگيالارىن قۇردى جانە ءۇش اقش پاتەنتىن يەلەندى.

قازۇۋ-دىڭ عىلىمي مەكتەبى تەوريالىق پلازما فيزيكاسى بويىنشا الەمدىك جەتىستىكتەرىمەن تانىمال. اكادەميك ت. رامازانوۆتىڭ جەتەكشىلىگىمەن قازۇۋ عالىمدارى ازىرلەگەن تەڭدەۋلەر مەن مودەلدەر نەگىزىندە الەمنىڭ تانىمال ۋنيۆەرسيتەتتەرى بەيسىزىق پلازمالاردىڭ قاسيەتتەرى بويىنشا زەرتتەۋلەر جۇرگىزۋدە. مەكتەپ وكىلدەرىنىڭ عىلىمي ماقالالارىنا الەمنىڭ عالىمدارى تاراپىنان ءۇش مىڭ رەت سىلتەمە جاسالىنعان.

سوڭعى ءۇش جىلدا قازۇۋ-داعى عىلىمي زەرتتەۋلەر سانى ەكى ەسەگە ارتقاندىعىن اتاپ ءوتۋ قاجەت.