قازاقستاننىڭ جوعارى ءبىلىم بەرۋ كەڭىستىگىندە ايرىقشا ورنى بار، ەلدىڭ عىلىمي-ينتەللەكتۋالدىق الەۋەتىن قالىپتاستىرىپ كەلە جاتقان جەتەكشى وقۋ ورىندارىنىڭ ءبىرى – ءال-فارابي اتىنداعى قازاق ۇلتتىق ۋنيۆەرسيتەتى. ۋاقىت سىنىنان سۇرىنبەي وتكەن بۇل ءبىلىم ورداسى جاھاندانۋ ءداۋىرىنىڭ تالاپتارىنا بەيىمدەلە وتىرىپ، ۇلتتىق كادرلار دايارلاۋدىڭ التىن بەسىگىنە اينالدى.
قازۇۋ – عىلىم مەن ءبىلىمنىڭ، ءداستۇر مەن جاڭاشىلدىقتىڭ توعىسقان ورتاسى. ۋنيۆەرسيتەت قابىرعاسىندا قالىپتاسقان اكادەميالىق مادەنيەت، حالىقارالىق ستاندارتتارعا ساي ءبىلىم بەرۋ جۇيەسى جانە ۇزدىكسىز جاڭارىپ وتىراتىن وقۋ باعدارلامالارى ءقازۇۋ-ىن ورتالىق ازياداعى الدىڭعى قاتارلى جوعارى وقۋ ورىندارىنىڭ بىرىنە اينالدىردى. بۇگىندە قازۇۋ الەمدىك ءبىلىم كەڭىستىگىندە قازاقستاننىڭ برەندى رەتىندە تانىلىپ وتىر.
ۋنيۆەرسيتەت قۇرىلىمىنداعى ماڭىزدى باعىتتاردىڭ ءبىرى – گەوگرافيا جانە تابيعاتتى پايدالانۋ فاكۋلتەتى. فاكۋلتەت قۇرامىنداعى «رەكرەاسيالىق گەوگرافيا جانە تۋريزم» كافەدراسى. بۇل كافەدرا ەلىمىزدەگى تۋريزم سالاسى ءۇشىن كاسىبي ماماندار دايارلايتىن بىرەگەي ءعىلىمي-بىلىم بەرۋ ورتالىعى بولىپ سانالادى. ونىڭ قالىپتاسۋى مەن دامۋىنا كورنەكتى عالىم، تۋريزمولوگيا عىلىمىنىڭ نەگىزىن قالاۋشىلاردىڭ ءبىرى ستانيسلاۆ رامازانوۆيچ ەرداۋلەتوۆتىڭ قوسقان ۇلەسى زور.
كافەدرا – تۋريزم يندۋسترياسىنىڭ ناقتى تالاپتارىنا جاۋاپ بەرەتىن زاماناۋي ءبىلىم مەن تاجىريبەنى ۇشتاستىراتىن ورتا. مۇندا ءبىلىم الۋشىلار تەك تەوريامەن شەكتەلمەي، قوناق ءۇي بيزنەسى، تۋريستىك مەنەدجمەنت، رەكرەاسيالىق رەسۋرستاردى باعالاۋ، مارشرۋتتىق جوسپارلاۋ سياقتى باعىتتاردا پراكتيكالىق داعدىلاردى مەڭگەرەدى. ناتيجەسىندە، تۇلەكتەر ەڭبەك نارىعىندا سۇرانىسقا يە، باسەكەگە قابىلەتتى مامان رەتىندە قالىپتاسادى.
ءقازۇۋ-نىڭ اتالمىش كافەدراسىندا بىلىكتى پروفەسسور-وقىتۋشىلار قۇرامى ستۋدەنتتەرگە ساپالى ءبىلىم بەرىپ قانا قويماي، ولاردىڭ كاسىبي باعدارىن ايقىنداپ، عىلىمي ىزدەنىسكە جەتەلەيدى. بۇل – بولاشاق ماماننىڭ جان-جاقتى دامۋىنا نەگىز بولاتىن ماڭىزدى فاكتور.
كافەدرانىڭ ەرەكشەلىگى – اكادەميالىق ءداستۇر مەن بەلسەندى ستۋدەنتتىك ءومىردىڭ ۇيلەسىمىندە. ستۋدەنتتەر ءتۇرلى عىلىمي جوبالارعا قاتىسىپ، حالىقارالىق بايلانىستار ورناتىپ، كاسىبي ورتاعا ەرتە بەيىمدەلەدى. «جاستۋر» كلۋبى سياقتى ۇيىمدار جاستاردىڭ كوشباسشىلىق، ۇيىمداستىرۋشىلىق جانە شىعارماشىلىق قابىلەتتەرىن دامىتۋعا مۇمكىندىك بەرەدى. سونىمەن قاتار، ءتۋريزمدى ناسيحاتتاۋعا باعىتتالعان ءىس-شارالار مەن جوبالار ستۋدەنتتەردىڭ تاجىريبەلىك دايىندىعىن ارتتىرىپ، سالاعا دەگەن قىزىعۋشىلىعىن تەرەڭدەتەدى.
عىلىمي-زەرتتەۋ باعىتىندا دا كافەدرانىڭ الەۋەتى جوعارى. ءتۋريزمدى دامىتۋ، رەكرەاسيالىق رەسۋرستاردى ءتيىمدى پايدالانۋ، ايماقتىق ءتۋريزمدى جەتىلدىرۋ ماسەلەلەرى بويىنشا جۇرگىزىلىپ جاتقان زەرتتەۋلەر ەل ەكونوميكاسىنا ناقتى ۇلەس قوسىپ كەلەدى.
حالىقارالىق ارىپتەستىك پەن اكادەميالىق ۇتقىرلىق باعدارلامالارى ءال-فارابي اتىنداعى قازاق ۇلتتىق ۋنيۆەرسيتەتىنىڭ جاھاندىق دەڭگەيدەگى بەدەلىن ارتتىرا تۇسۋدە.
بۇگىندە قازۇۋ گەوگرافيا جانە تابيعاتتى پايدالانۋ فاكۋلتەتىنىڭ تۇلەكتەرى ەلىمىزدىڭ تۋريستىك كومپانيالارىندا، حالىقارالىق اۋەجايلاردا، مەملەكەتتىك ۇيىمداردا جانە الەمدىك قوناق ءۇي جەلىلەرىندە تابىستى ەڭبەك ەتۋدە. كەيبىرى حالىقارالىق دەڭگەيدە قىزمەت اتقارىپ، قازاقستاننىڭ تۋريستىك الەۋەتىن الەمگە تانىتۋدا. بۇل – بەرىلگەن ءبىلىمنىڭ ساپاسى مەن جۇيەلىلىگىنىڭ ايقىن كورسەتكىشى.
قازىرگى تاڭدا تۋريزم – تەك ەكونوميكالىق سالانىڭ عانا ەمەس، مادەني ديپلوماتيانىڭ دا ماڭىزدى قۇرالىنا اينالىپ وتىر. وسى تۇرعىدان العاندا، «رەكرەاسيالىق گەوگرافيا جانە تۋريزم» كافەدراسى – ەلدىڭ ءيميدجىن قالىپتاستىراتىن، ۇلتتىق برەندتى ىلگەرىلەتەتىن ماماندار دايارلايتىن ستراتەگيالىق ورتالىق. مۇندا ءبىلىم العان ءاربىر جاس – قازاقستاننىڭ بەيرەسمي ەلشىسى ىسپەتتەس.
قازاق عىلىمىنىڭ قارا شاڭىراعى - ءال-فارابي اتىنداعى قازاق ۇلتتىق ۋنيۆەرسيتەتى – ءبىلىم مەن عىلىمنىڭ، تاجىريبە مەن جاڭاشىلدىقتىڭ ۇيلەسكەن ۇلگىسى. بۇل – تەك مامان دايارلايتىن ورتا عانا ەمەس، ەلدىڭ ينتەللەكتۋالدىق  بولاشاعىن ايقىندايتىن ماڭىزدى كۇش.
 
جاننات الييەۆا،
ءال-فارابي اتىنداعى قازۇۋ
رەكرەاسيالىق گەوگرافيا جانە
تۋريزم كافەدراسىنىڭ دوسەنتى،
گەوگرافيا عىلىمدارىنىڭ
كانديداتى.