الماتى وبلىسىندا «الاتاۋ اماناتى» جوباسى اياسىندا ءوڭىردىڭ تۋريستىك الەۋەتىن دامىتۋعا باعىتتالعان اۋقىمدى جۇمىستار جۇرگىزىلدى. اتاپ ايتقاندا، قاستەك شاتقالىنان باستاپ، شارىن ۇلتتىق تابيعي پاركىنىڭ اۋماعىنا دەيىن جالپى ۇزىندىعى 1 500 شاقىرىمنان اساتىن تۋريستىك مارشرۋت كەشەندى تۇردە زەرتتەلدى.

زەرتتەۋ بارىسىندا تابيعي نىساندار، تاريحي-مادەني كورىكتى جەرلەر، ينفراقۇرىلىم مۇمكىندىكتەرى تولىق قامتىلىپ، بارلىق قاۋىپسىزدىك تالاپتارى ساقتالدى. زەرتتەۋ قورىتىندىسى بويىنشا مارشرۋتتار جۇيەلەنىپ، 2GIS، Yandex Maps جانە Google Maps سياقتى زاماناۋي سيفرلىق پلاتفورمالارعا ەنگىزىلدى.

اتالعان جوبانىڭ ىسكە اسىرىلۋى مارشرۋتتاردى وڭاي جوسپارلاۋعا، ناقتى باعىت-باعداردى ايقىنداۋعا جانە ءقاۋىپسىز ساياحات جاساۋعا مۇمكىندىك بەرەدى. سونىمەن قاتار بۇل باستاما ەكولوگيالىق ءتۋريزمنىڭ دامۋىنا، تابيعي مۇرانى ساقتاۋعا جانە جەرگىلىكتى حالىقتىڭ تابىسىن ارتتىرۋعا ىقپال ەتەدى.

«الاتاۋ اماناتى» جوباسى تۇراقتى دامۋ قاعيداتتارىنا نەگىزدەلگەن جانە حالىقارالىق ستاندارتتارعا سايكەس وڭىردەگى ءتۋريزمدى دامىتۋدىڭ كەشەندى ءتاسىلىنىڭ ۇلگىسى بولىپ ەسەپتەلەدى.