قىتايدىڭ روبوتاكسي كومپانيالارى يرانداعى سوعىسقا قاراماستان تاياۋ شىعىستاعى جوبالارىن توقتاتپاي، بەلسەندى تۇردە كەڭەيتىپ جاتىر.

ءىرى قىتايلىق كومپانيا DiDi 2026 جىلدىڭ سوڭىنا قاراي العاشقى شەتەلدىك روبوتاكسي تەستىن بىرىككەن اراب امىرلىكتەرى اۋماعىندا باستاماق.

WeRide كومپانياسى دۋباي قالاسىندا تولىق جۇرگىزۋشىسىز روبوتاكسي قىزمەتىن ىسكە قوستى. جولاۋشىلار كولىكتى Uber قوسىمشاسى ارقىلى شاقىرا الادى.

Pony.ai دا دۋبايدا كوممەرسيالىق ليسەنزيا الۋعا جۇمىس جۇرگىزىپ جاتىر. كومپانيا باسشىلىعى سوعىستى «قىسقا مەرزىمدى فاكتور» دەپ باعالايدى.

Baidu-دىڭ Apollo Go جوباسى دا دۋبايدا جۇرگىزۋشىسىز تاكسي قىزمەتىن ىسكە قوسقان.

دۋباي بيلىگى باستاپقى كەزەڭدە 50 روبوتاكسي ىسكە قوسىپ، الداعى جىلدارى ولاردىڭ سانىن 1000-نان اسىرۋدى جوسپارلاپ وتىر.

سوڭعى ەكى جىلدا قىتايلىق اۆتونومدى كولىك كومپانيالارى حالىقارالىق نارىققا بەلسەندى شىعىپ، اسىرەسە تاياۋ شىعىستى نەگىزگى دامۋ ايماعى رەتىندە تاڭداعان. كەيىن بۇل تەحنولوگيا ەۋروپا مەن باسقا نارىقتارعا تارالۋى مۇمكىن.