كوكتايعاق كۇشەيىپ، جول تايعاق بولدى. وسىعان بايلانىستى اتىراۋ قالاسىنداعى بارلىق مەكتەپتەر 15 قاڭتاردا ءبىر كۇنگە قاشىقتان وقيتىن بولدى.
قانداي مەكتەپتەر جانە قاي سىنىپتار ونلاينعا كوشەدى؟
71 قالا مەكتەبىن ونلاينعا ۋاقىتشا كوشىرۋ تۋرالى شەشىمدى قالالىق ءبىلىم ءبولىمىنىڭ باسشىسى ايناگۇل دۇيسەكەنوۆا جاريالادى. مەكتەپالدى دايارلىقتان 11-سىنىپقا دەيىنگى وقۋشىلار ساباققا ۇيدەن قوسىلادى.
نەگە مۇنداي شەشىم قابىلداندى؟
قالادا كوكتايعاق كۇشەيىپ، اۋا رايى قولايسىز بولىپ تۇر. وقۋشىلاردىڭ قاۋىپسىزدىگىن قامتاماسىز ەتۋ ءۇشىن وسىنداي قادام جاسالدى.
ساباق قالاي وتەدى؟
ساباقتار ادەتتەگى كەستە بويىنشا ونلاين پلاتفورمالار ارقىلى وتەدى. بايلانىس قۇرالدارىن الدىن الا تەكسەرىپ، بالالاردىڭ ساباققا ۋاقىتىلى قوسىلۋىن قامتاماسىز ەتۋدى قالالىق ءبىلىم ءبولىمى سۇرادى.
جولدا اباي بولىڭىز
قالا تۇرعىندارىنا وزگەرىستەردى ەسكەرىپ، قوزعالىستى جوسپارلاعاندا ساقتىق تانىتۋدى جانە تايعاق جولدا ءقاۋىپتى ارەكەتتەردەن اۋلاق بولۋدى قالالىق قىزمەتتەر ءوتىندى.
بۇل تۋرالى Qamshy.kz اقپارات اگەنتتىگى حابارلايدى.
