بۇگىن تاڭەرتەڭ ساعات 09:53-تە تەڭىز كەن ورنىنداعى گتەس-4 نىسانىندا ورنالاسقان GT-9.3 تۋربيناسىنىڭ ترانسفورماتورىندا ءورت شىقتى. قاۋىپسىزدىك شارالارى اياسىندا قىزمەتكەرلەر دەرەۋ ءقاۋىپسىز ايماققا ەۆاكۋاسيالاندى. تشو-نىڭ اپاتتىق قىزمەتى ءورتتى تولىقتاي ءسوندىردى. زارداپ شەككەندەر جوق.
سونداي-اق شامامەن ساعات 11:20-دا گتەس-4 اۋماعىنداعى GT-9.5 تۋربيناسىنىڭ ترانسفورماتورىندا تاعى ءبىر ءورت تىركەلدى. قايتا تۇتانعان ءورت قىسقا ۋاقىت ىشىندە جويىلدى. بۇل وقيعادا دا زارداپ شەككەندەر انىقتالعان جوق.
وقيعا تۋرالى توتەنشە جاعدايلار دەپارتامەنتىنە بىردەن حابار بەرىلدى. قازىرگى ۋاقىتتا ءورتتىڭ شىعۋ سەبەپتەرى انىقتالىپ جاتىر. جاعداي تولىق باقىلاۋدا.
