ايتا كەتسەك، اتالعان ۆيدەو كەشە الەۋمەتتىك جەلىلەردە تاراعان. كوپ ۇزاماي "اتىراۋ مۇناي وڭدەۋ زاۋىتى" ج ش س تۇسىنىكتەمە بەرىپ، اپاتتىڭ 26 اقپاندا جەرگىلىكتى ۋاقىت بويىنشا ساعات 18:30-دا ورىن العانىن ناقتىلادى.
بۋتەندەردى وليگومەريزاسيالاۋ قوندىرعىسىندا قوندىرعىنى ىسكە قوسۋعا ارنالعان تىكەلەي ايداۋ بەنزينىنىڭ كوللەكتورىنان بوس قۋىس تابىلعان. ءونىمدى تەز ىعىستىرۋ ءۇشىن بۇل جەلىگە 15 كگس/كۆ سم قىسىممەن سۋ جىبەرىلدى.
"ءاموز" ج ش س اتالعان جاعداي ءوندىرىس پروسەسىنە تەرىس اسەر ەتپەدى دەپ سەندىردى.
ونەركاسىپتىك قاۋىپسىزدىك كوميتەتى ورىن العان اپات سالدارىنان ەشكىم زارداپ شەكپەگەنىن ناقتىلادى.
"قازاقستان رەسپۋبليكاسى توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتىنىڭ اتىراۋ وبلىسى بويىنشا دەپارتامەنتىمەن اۆاريانى تەرگەۋ ءۇشىن ارنايى كوميسسيا قۇرىلۋدا"، دەلىنگەن ۆەدومستۆو حابارلاماسىندا.
تەرگەۋ ناتيجەلەرى قوسىمشا حابارلاناتىنى دا ەسكەرتىلەدى.
