12 اقپاننان بەرى جاڭادان ازىرلەنگەن وقۋلىقتاردىڭ مازمۇنىنا قوعامدىق تالقىلاۋلار جۇرگىزىلىپ جاتىر، دەپ حابارلادى وقۋ-اعارتۋ مينيسترلىگىنىڭ رەسپۋبليكالىق عىلىمي-پراكتيكالىق ءبىلىم مازمۇنىن ساراپتاۋ ورتالىعى.
"وقۋ ادەبيەتتەرىن قوعامدىق تالقىلاۋ" سايتىندا وقۋلىقتار مازمۇنىنىڭ ساپاسى، قۇرىلىمى، ادىستەمەلىك تاسىلدەرى، بايانداۋ ءتىلى مەن بەزەندىرىلۋىنە قاتىستى قوعام مەن عىلىمي-پەداگوگيكالىق قاۋىمداستىق وكىلدەرى سىندارلى پىكىرلەرىن بىلدىرە الادى. وندا جاڭادان ازىرلەنگەن وقۋلىقتار بار:
3-سىنىپ ءۇشىن "ەڭبەككە باۋلۋ"، "بەينەلەۋ ونەرى"، "ورىس ءتىلى" (ورىس تىلىندە وقىتاتىن مەكتەپتەر ءۇشىن)، شەت تىلدەرى (اعىلشىن، فرانسۋز)؛
3،9-11 سىنىپتار ءۇشىن "نەمىس ءتىلى"؛
5-9 سىنىپتارعا ارنالعان "جاھاندىق قۇزىرەتتىلىك" وقۋلىقتارى قاعاز نۇسقادا؛
3-سىنىپقا ارنالعان "سيفرلىق ساۋاتتىلىق/ سيفروۆايا گراموتنوست" ءپانى بويىنشا ەلەكتروندى وقۋلىقتار.
پىكىر قالدىرۋ