استانانىڭ ەسىل اۋداندىق №2 سوتىنىڭ سۋدياسى قانات توباعالي ۇلى ءوز سۇيىكتىسىنىن زاقىمداعان ايەلگە قاتىستى ۇكىم شىعاردى، - دەپ حابارلايدى Tengrinews.kz-كە سىلتەمە بەرىپ Qamshy.kz اقپارات اگەنتتىگى.

سۇيىكتىسىنە اۋىر زارداپ كەلتىردى دەپ ايىپتالعان استانالىق ايەلگە قاتىستى سوت تىڭداۋى جابىق تارتىپتە ءوتتى. ۇكىم وقىلعاندا عانا ب ا ق وكىلدەرى قاتىسا الدى. "سوت 1981 جىلعى  قاراعاندى وبلىسىنىڭ تۋماسى ن. ازاماتشاسىن ق ر قىلمىستىق كودەكسىنىڭ 106-بابىنىڭ 2-پۋنكتى بويىنشا ايىپتى دەپ تانىپ، بەس جىلعا باس بوستاندىعىنان ايىرادى، ول جازاسىن ورتا دەڭگەيدەگى قىلمىستىق-اتقارۋ جۇيەسى مەكەمەسىندە وتەسىن.

ق ر قىلمىستىق كودەكسىنىڭ 74-بابىنا سايكەس، جازا مەرزىمى ءۇش جىلعا قىسقارتىلسىن"، - دەپ وقىدى ۇكىمدى سۋديا قانات توباعالي ۇلى.

ەسكە سالايىق، الەۋمەتتىك جەلىلەردە  كۇدىكتى ايەلدىڭ سۋرەتى بار قۇجات تارالعان بولاتىن. وندا استانالىق ايەلدىڭ ءوز سۇيىكتىسىنە اۋىر زاقىم كەلتىرگەنى ايتىلادى. ءىستىڭ وزگە ءمان-جايى تەرگەۋ مۇددەسىنە بايلانىستى جاريا ەتىلمەگەن.