بۇل ەكىنشى جاۋىنگەرلىك شەرۋ. ءبىرىنشى جاۋىنگەرلىك شەرۋ جوعارعى باسقولباسشى ن.ءا.نازاربايەۆتىڭ قاتىسۋىمەن ەلىمىزدە العاش 2013 جىلدىڭ 7ء-شى مامىرىندا وسى «وتار» 40-شى اسكەري بازاسىندا وتكەن بولاتىن.

بەلگىلى ءداستۇر بويىنشا شەرۋدى باسقارۋ قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ باس قولباسشىسى گەنەرال-مايور مۋرات بەكتانوۆقا تابىستالعان بولاتىن.

قازىرگى ۋاقىتتا  قازاقستان رەسپۋبليكاسى قارۋلى كۇشتەرى اسكەري تەحنيكالارى مەن بولىمدەرى جانە قۇرىلىمدارىنىڭ جەكە قۇرامى «وتار» 40-شى اسكەري بازاسىنىڭ اۋماعىندا شوعىرلاندىرىلعان.

وتان قورعاۋشىلار مەرەكەسى قارساڭىندا ارميا قۇرامالارى وزدەرىنىڭ تاكتيكالىق شەبەرلىكتەرىن جانە قازاقستان رەسپۋبليكاسىنىڭ سوڭعى ۇلگىدەگى اسكەري تەحنيكالارى مەن قارۋ-جاراقتارىن «ءماتىبۇلاق» سىناق الاڭىندا تاجىريبەلى ءىس جۇزىندە قولدانىلۋىن كورسەتەدى. جاۋىنگەرلىك تەحنيكا جانە بۇگىنگى كۇنى ساربازدار ساپ تۇزەپ قانا قويماي، اتىس شەبەرلىكتەرىن وسى دايىندىقتا كورسەتەدى. پارادقا قاتىساتىن جاۋىنگەرلەردىڭ بارلىعى پسيحولوگيالىق جانە ساپتىق دايارلىق بويىنشا ىرىكتەلگەن ەڭ ۇزدىكتەر. وعان كانديداتتار ەرەكشە دايىندىقتان وتكىزىلگەن اسكەريلەر اراسىنان تاڭدالىپ الىندى، ال اسكەري پاراد وتكىزىلەتىن ورىندا شەرۋگە قاتىساتىن بولىمدەردى شوعىرلاندىرۋ جۇزەگە اسىرىلادى. دايىندىقتىڭ كەزىندە شەرۋگە تۇرۋ ءتارتىبى، شەرۋگە قاتىسۋشىلاردىڭ امانداسۋ ەلەمەنتتەرى، تۋدى الىپ شىعۋ جانە جەكە قۇرامداردىڭ سالتاناتتى ءجۇرىپ ءوتۋى پىسىقتالادى. جاۋىنگەرلىك پارادقا قاتىسۋشىلاردىڭ كۇندەلىكتى جاعدايلارىن قامتاماسىز ەتۋ ءۇشىن بارلىق كەرەك-جاراقپەن قامتىلعان دالالىق لاگەرى ۇيىمداستىرىلعان 2018 جىلعى اسكەري شەرۋگە 3000 اسكەري قىزمەتشىلەر، 300 اسكەري تەحنيكالار مەن قۇرالدار جانە 30 بىرلىكتە ۇشۋ اپپاراتتارى قاتىسادى.

2018 جىلعى اسكەري پارادتىڭ بۇرىنعى پارادتان باستى ايىرماشىلىعى مۇندا بارلاۋشىلار مەن ارنايى قۇرامداردىڭ  ناقتى سوعىس قيمىلىندا زاڭسىز اسكەري توپتاردىڭ بازاسىن باسىپ الۋ ءساتى كورسەتىلەدى. بۇل جاۋىنگەرلىك  شەرۋدىڭ ايىرماشىلىعى بارلاۋ بولىمدەرىنىڭ زاماناۋي قارۋ-جاراقپەن اسكەري تەحنيكا، اۆياسيامەن سوعىس قيمىلىنداعى تاكتيكالىق شىنايى كورىنىستەردى كورسەتەدى جانە ءبىرىنشى رەت تەرريتوريالىق (اۋماقتىق)  قورعاۋ بريگادالارىنا اسكەري تۋلار تاپسىرىلادى. جاۋىنگەرلىك شەرۋدە كورەرمەندەر قازاقستان ارمياسىنىڭ اسكەري تەحنيكالارى كۇشتەرىن ءىس-قيمىل ۇستىندە كورە الادى.

قارۋلى كۇشتەردىڭ ارنايى تاپسىرىس پەن ارنايى وپەراسيا بولىمدەرى ءوز اسكەري شەبەرلىكتەرىن كورسەتەدى.

اسكەري جانە اسكەري ترانسپورتتىڭ اۆياسيا، جاڭارعان  س-295 اسكەري ترانسپورتتىق سامولەتى مەن سۋ-30 كوپ باعىتتى يسترەبيتەلدەرى دە جوعارى ۇشۋ شەبەرلىكتەرىن كورسەتەدى. بۇدان باسقا دا اسكەري شەرۋدە مي-17 تىك ۇشاعى، امەريكالىق كوپ باعىتتى حيۋي تىك ۇشاعى، ە-145 (ەۆروكوپتەر)، راكەتالىق سوققى بەرەتىن  - مي-35 ۇشاقتارى قاتىسادى.

«ءماتىبۇلاق» پوليگونىندا موتواتقىشتار، تانكىلەر، ت-72، بمپ-2 (جاياۋ اسكەر اسكەري ماشينالارى) مەن زسۋ -23-2 (23 مم قوساقتالعان زەنيتتىك قۇرىلعى)،  زپۋ – 2 (14،5 مم زەنيتتىك پۋلەمەتتىك قۇرىلعىمەن)  جاساقتالعان بارلاۋ بولىمشەلەرىنىڭ تاجىريبەلىك جاتتىعۋ جۇمىستارى جۇرگىزىلدى.

پريما – 9ك59 نەمەسە «پريما» - 122،4مم كاليبرلى دۇركىن وتتى رەاكتيۆتى جۇيە.

مستا – 152-مم ديۆيزيوندىق گاۋبيسا.

رسزو 9ك58 «سمەرچ» - 300 مم كاليبرلى دۇركىن وتتى رەاكتيۆتى جۇيە.