قازاقستاندىق بوكسشى، ريو وليمپياداسىنىڭ چەمپيونى دانيار ەلەۋسىنوۆكاسىپقوي بوكستاعى قادامىن ءساتتى باستادى. نيۋ-يوركتە وتكەن العاشقى جەكپە-جەگىندە امەريكالىق بوكسشى نوا كيدتى نوكاۋتپەن جەڭدى، دەپ حابارلايدى vesti.kz.

جارتىلاي ورتا سالماقتا جۇدىرىقتاسقان بوكسشىلاردىڭ جەكپە-جەگى 6 راۋندقا جوسپارلانعان ەدى. دانيار قارسىلاسىن 3 راۋندتا-اق تەحنيكالىق نوكاۋتپەن جەڭىپ شىقتى.



22 جاستاعى نوا كيد كاسىپقوي بوكستاعى مانسابىندا العاش رەت جەڭىلدى. وسىعان دەيىن 4 جەكپە-جەك وتكىزىپ، 3 رەت جەڭىسكە جەتكەن. 1 كەزدەسۋىن تەڭ اياقتاعان.

دانيار ەلەۋسىنوۆ كاسىپقوي بوكسقا تۇبەگەيلى ناۋرىز ايىنىڭ باسىندا اۋىستى. وعان دەيىن ءبىر رەت بارۋعا بەل بۋعانمەن، رەتى كەلمەگەن ەدى. ۇلىبريتانيالىق پروموۋتەر ەددي حيرنمەن ءۇشجىلدىق كەلىسىمشارتقا قول قويىپ، كاسىپقوي بوكستاعى مانسابىنا جول اشىلدى.

قازىرگى تاڭدا ەددي حيرن باسقاراتىن كومپانيا قۇرامىندا اسا اۋىر سالماقتا WBA Super، IBF جانە IBO چەمپيوندىق اتاقتارىنا يە ەنتوني دجوشۋا بار. سونداي-اق بريتاندىق پروموۋتەر رايان بارنەتت (18-0، 9 كو) (WBA Super جانە IBF)، دجەيمي ماكدوننەلل (29-2-1، 13 كو) (WBA)، حاليد يافاي (23-0، 14 كو) (WBA Super)، كەلل برۋك (37-2، 26 كو)، دەنيەل دجەيكوبس (33-2، 29 كو) سىندى بوكسشىلارمەن جۇمىس جاسايدى.

دانيار ەلەۋسىنوۆ شارشى الاڭعا شىققان بوكس كەشىنىڭ باستى جەكپە-جەگىندە امەريكالىق بوكسشى دەنيەل دجەيكوبس پەن پولياك ماسەي سۋلەسكييجۇدىرىقتاسادى.