قازاقستاننىڭ تۋماسى ديماش نيازوۆ (13-0-3، 6 كو) كاسىپقوي بوكستاعى كەزەكتى كەزدەسۋىن وتكىزدى، دەپ حابارلايدى قازاقپارات.

نيۋيوركتە Barclays Center ارەناسىندا دەنيەل دجەيكوبس (33-2، 29 كو) - ماسەي سۋلەسكيدىڭ (26-0، 10 كو) بوكس كەشىنىڭ اياسىندا ول مەكسيكالىق انحەل سارينامەن (7-7-2، 3 كو) كەزدەستى. جەڭىل سالماقتا 6 راۋندقا سوزىلعان جەكپە-جەك سارينانىڭ جەڭىسىمەن اياقتالدى. تورەشىلەر 59-52، 59-53، 58-54 ەسەبىمەن جەڭىستى ءبىراۋىزدان مەكسيكالىققا بەردى. بۇل ديماش ءۇشىن كاسىبي بوكستاعى 8ء-شى كەزدەسۋ بولاتىن جانە نيازوۆ وسى جولى العاش رەت جەڭىلدى.

وسى رەتتە ديماشتىڭ 5ء-شى راۋندتا نوكداۋندا بولعاندىعىن ايتا كەتۋ كەرەك.

وسىعان دەيىن تىلشىلەرگە بەرگەن سۇحباتىندا قازاقستاندىق: «مەن جارقىن جەڭىستەرىمدى ودان ءارى دە جالعاستىرا بەرگىم كەلەدى. ماعان ءوزىمنىڭ اتاق-داڭقىمدى الەمگە ايقىنداۋ ءۇشىن ۇلكەن الاڭ كەرەك. الدىدا مەن ۇلكەن ىستەر كۇتىپ تۇر»،-دەگەن بولاتىن.